قوعام • 22 قازان، 2020

پرەزيدەنت مەملەكەتتىك قىزمەتتە 55 پايىزدان استامىن ايەلدەر قۇرايتىنىن ايتتى

503 رەت كورسەتىلدى

ايەلدەردىڭ مەملەكەتتى باسقارۋ ىسىنە بارىنشا بەلسەندى اتسالىسۋىن جۇيەلى تۇردە ىسكە اسىرىپ كەلەمىز. بۇل تۋرالى ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا مەملەكەت باسشىسى قاسىم-جومارت توقاەۆ مالىمدەدى، دەپ حابارلايدى Egemen.kz

ء"بىزدىڭ تۇراقتى تۇردە كەزدەسىپ تۇرۋىمىز جاقسى داستۇرگە اينالدى. كوپشىلىگىڭىزبەن ەل دامۋىنىڭ ءارتۇرلى ماسەلەلەرىن بىرگە تالقىلادىق. بۇگىنگى جيىن ورتاق جۇمىستىڭ بىرقاتار قورىنتىندىلارىن ايقىنداۋعا ارنالىپ وتىر. نەگىزگى جۇمىستار كەڭەس وتىرىستارىنىڭ ارالىعىندا جۇرگىزىلەدى. سەبەبى تەك باستامانى كوتەرىپ قويا سالۋ جەتكىلىكتى ەمەس. زاڭ جوبالارىن ازىرلەۋ، ءوزارا ماملەگە كەلۋ جولدارىن ىزدەۋ كوپ ۋاقىت پەن تاباندى ەڭبەكتى تالاپ ەتەدى"، دەدى پرەزيدەنت.

وسى تۇرعىدا مەملەكەت باسشىسى كەڭەس مۇشەلەرى ايتقان يدەيالارمەن جانە ۇسىنىستارمەن مۇقيات تانىسىپ شىققانىن تىلگە تيەك ەتتى.

"بيىل مامىر ايىندا "سايلاۋ تۋرالى" زاڭعا ۇلتتىق كەڭەس باستاماسىمەن ەنگىزىلگەن وزگەرىستەرگە قول قويعانىمدى بىلەسىزدەر. سوعان سايكەس، پارتيالاردىڭ سايلاۋالدى تىزىمىنە ايەلدەر مەن جاستار ءۇشىن 30 پايىزدىق كۆوتا ەنگىزۋ قاجەتتىگى زاڭدىق تۇرعىدان راسىمدەلدى. ءبىز ايەلدەرگە قولداۋ كورسەتىپ، ولاردىڭ مەملەكەتتى باسقارۋ ىسىنە بارىنشا بەلسەندى اتسالىسۋىن جۇيەلى تۇردە ىسكە اسىرىپ كەلەمىز"، دەدى مەملەكەت باسشىسى.

پرەزيدەنتتىڭ ايتۋىنشا، ستاتيستيكاعا سايكەس بارلىق مەملەكەتتىك اكىمشىلىك قىزمەتشىلەردىڭ 55 پايىزدان استامى ايەلدەر.

"پارلامەنت پەن ءماسليحات دەپۋتاتتارىنىڭ 22 پايىزى، سۋديالار كورپۋسىنىڭ 47 پايىزى ايەلدەردىڭ ەنشىسىندە. وعان قوسا، بيىل ەلىمىزدىڭ تاريحىندا تۇڭعىش رەت ايەل ادام وبلىس باسشىسى بولدى. ساراپشىلاردىڭ باعالاۋىنشا، قازاقستان مەملەكەتتىك باسقارۋ جۇيەسىندەگى جانە بيلىكتىڭ وكىلدى ورگاندارىنداعى ايەلدەردىڭ ۇلەسى بويىنشا پوستكەڭەستىك ەلدەر اراسىندا كوش باستاپ تۇرعان مەملەكەتتەردىڭ ءبىرى"، دەدى پرەزيدەنت قاسىم-جومارت توقاەۆ.

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار