ستراتەگيالىق ىنتىماقتاستىق تۋرالى كەلىسىمگە قازاقستان ۇلتتىق وليمپيادالىق كوميتەتىنىڭ باس حاتشىسى اندرەي كريۋكوۆ پەن «كۇندەلىك» جشس باس ديرەكتورى مۇحتار ءىلياسوۆ قول قويدى.
قاشىقتان ءبىلىم بەرۋ جۇيەسى ستۋدەنتتەر مەن ولاردىڭ اتا-انالارىنىڭ قالىپتى ومىرىنە اينالدى. جوبانىڭ نەگىزگى يدەياسى دا بۇكىل الەمدەگى قازىرگى جاعدايمەن تىكەلەي بايلانىستى. سونداي-اق دەنە شىنىقتىرۋ ساباقتارى دا ونلاين كەڭىستىككە كوشىرىلدى.
«قازىرگى جاعدايدى ەسكەرە وتىرىپ, ءوزىمىزدىڭ دە, بالالارىمىزدىڭ دا دەنساۋلىعىن ساقتاۋ وتە ماڭىزدى. قاشىقتان وقىتۋ بارىسىندا وقۋشىلار كۇندەلىكتى ءومىرىن مونيتور الدىندا وتكىزەدى. فيزيكالىق بەلسەندىلىك ازايعاندىقتان بالانىڭ تولىق دامۋىنا اسەر ەتەدى. سوندىقتان, قازاقستاننىڭ ۇلتتىق وليمپيادالىق كوميتەتى جانە ءبىزدىڭ وليمپياداشىلار دەنە شىنىقتىرۋ ساباعىن وتكىزۋگە پراكتيكالىق كومەك ۇسىنادى. ايتا كەتەرلىگى, بۇل شىن مانىندە كەز-كەلگەن سپورتشىنىڭ مانسابىنداعى العاشقى قادام بولىپ وتىر. ءبىز چەمپيون بولۋ بالالىق شاقتان باستالادى دەپ ءجيى ايتامىز. سوندىقتان بالالاردىڭ دەنساۋلىعىن جان-جاقتى دامىتۋعا باعىتتالعان وسىنداي جوبانى باستاۋ تۋرالى شەشىم وتە ماڭىزدى قادام بولىپ تابىلادى. ءبىزدىڭ باستامامىزدى قولداعانى ءۇشىن kundelik.kz سايتىنا العىس ايتامىز جانە بىرلەسكەن جوبا تەك مەكتەپ وقۋشىلارى اراسىندا عانا ەمەس, سونىمەن بىرگە بۇكىل ەلدەگى دەنە شىنىقتىرۋ مۇعالىمدەرى اراسىندا وڭ كوزقاراسقا يە بولادى دەپ سەنەمىز», دەيدى قازاقستان ۇلتتىق وليمپيادا كوميتەتىنىڭ باس حاتشىسى اندرەي كريۋكوۆ.
جوبادا قازاقستاننىڭ ۇزدىك سپورتشىلارىنىڭ قاتىسۋىمەن دايىندالعان دەنە شىنىقتىرۋ بويىنشا بەينەماتەريالدار بار.
ارنايى ساباقتار ازىرلەۋ ءۇشىن ءبىلىم بەرۋ جۇيەسىندە كوپجىلدىق تاجىريبەسى بار كاسىبي ادىسكەرلەر, دەنە شىنىقتىرۋ مۇعالىمدەرى, ورتا مەكتەپتەردە بالالارمەن تىكەلەي جۇمىس ىستەيتىن ءدال وسى دەنە شىنىقتىرۋ بويىنشا مۇعالىمدەر تارتىلدى.
ء«بىز قازاقستان رەسپۋبليكاسىنىڭ ۇلتتىق وليمپيادالىق كوميتەتىمەن ستراتەگيالىق سەرىكتەستىككە وتە ريزامىز جانە ءبىزدىڭ ەلىمىزدە دەنە شىنىقتىرۋدى جانە سپورتتىق مەديا-كونتەنتتى كەڭىنەن تاراتۋ ءۇشىن بار كۇش-جىگەرىمىزدى سالامىز. قازاقستان ءبىزدىڭ سپورتشىلاردىڭ الەمدىك ارەنالارداعى جەتىستىكتەرىمەن ماقتان تۇتادى جانە ءبىزدىڭ ويىمىزشا, بۇل اقپاراتتى جاس ۇرپاققا – قازاقستاننىڭ بارلىق مەكتەپتەرىنىڭ وقۋشىلارىنا زاماناۋي كرەاتيۆتى تەحنولوگيالار ارقىلى جەتكىزۋ وتە ماڭىزدى. ۇوك-پەن بىرلەسە وتىرىپ, ءبىز ءاربىر جاس ازامات ءۇشىن دەنە شىنىقتىرۋدى دامىتۋدىڭ ماڭىزدىلىعىنا ارنالعان دەنە شىنىقتىرۋ ساباعىن جانە ءارتۇرلى سپورت تۇرلەرىندەگى مامانداندىرىلعان جاتتىعۋلاردى وقىتۋدىڭ زاماناۋي ادىستەرىنە ارنالعان قازاق جانە ورىس تىلدەرىندە بەينە ساباقتار توپتاماسىن شىعارۋدى قولعا الدىق. جوبا بارىسىندا قاتىسۋشىلار قۇرمەتتى چەمپيوندارىمىزدىڭ ءومىر جولى مەن جەتىستىكتەرىنەن حاباردار بولادى», دەيدى «كۇندەلىك» جشس باس ديرەكتورى مۇحتار ءىلياسوۆ.
ءبىرىنشى كەزەڭ ەكىنشى اكادەميالىق توقساننان باستالادى. وسى كەزەڭدە جەتەكشى قازاقستاندىق سپورتشىلار تاجىريبەلى مۇعالىمدەردىڭ نۇسقاۋلىعىمەن بالالاردىڭ جاس جانە گەندەرلىك ەرەكشەلىكتەرىن ەسكەرە وتىرىپ, دايىندىق ساباقتارىنىڭ سەرياسىن ۇسىنادى.
كەلەسى كەزەڭ وقۋ جىلىنىڭ ءۇشىنشى جانە ءتورتىنشى توقسانىنا جوسپارلانعان. بۇل كەزەڭدە ءارتۇرلى وليمپيادالىق سپورت تۇرلەرىندەگى مامانداندىرىلعان جاتتىعۋلارعا باسا نازار اۋدارىلادى.
ارينە, داڭقتى سپورتشىلار بالالارعا جاقسى ۇلگى بولا الادى. سونداي-اق, اتاقتى سپورتشىلار وزدەرىنىڭ وسى جوباعا قاتىسۋعا وتە ىنتالى بولدى. وليمپياداشىلار بالالارعا قاشىقتىقتان وقىتۋ كەزىندە بەلسەندى بولۋعا, دەنە شىنىقتىرۋ مۇعالىمدەرىنە پراكتيكالىق كومەك كورسەتۋگە جانە قازاقستاندىق سپورتتىڭ بولاشاعىنا ۇلەس قوسۋعا ءاردايىم دايىن.
«بۇل قازاقستان ۇلتتىق وليمپيادالىق كوميتەتىنىڭ باستاماسىمەن قولعا الىنعان وتە كەرەمەت جوبا. ءبىز, سپورتشىلار, وسى جوباعا قاتىسۋعا قۋانىشتىمىز. قازىرگى جاعدايدا سپورتتىڭ ءرولى, ونىڭ ءبىزدىڭ ومىرىمىزگە اسەرى ارتىپ كەلەدى. ءبىزدىڭ بالالار قاشىقتان وقيدى, گادجەتتەرمەن كوپ ۋاقىت وتكىزەدى. وسى جوبانىڭ ارقاسىندا ءبىز دە ولاردىڭ ينتەرنەتتەگى ۋاقىتى پايدالى بولادى دەپ ۇمىتتەنەمىز. وليمپيادالىق كوميتەتتىڭ دەنە شىنىقتىرۋ بويىنشا قولعا العان ساباعى وسىعان كومەكتەسەدى», دەدى گرەك-ريم كۇرەسىنىڭ بالۋانى المات كەبىسپاەۆ.
قازاقستان ۇلتتىق وليمپيادالىق كوميتەتى جوبا اياسىندا بالالاردى وسى ساباقتارعا قىزىقتىرىپ, ىنتالاندىرۋ ءۇشىن ءار ءتۇرلى جارىستار مەن ءىس-شارالارعا ۇلكەن كوڭىل بولەدى. مەكتەپ وقۋشىلارى قازاقستاننىڭ وليمپيادالىق وتباسىنىڭ بىرەگەي سىيلىقتارىن ۇتىپ الۋ مۇمكىندىگىنە يە بولادى. سونىمەن قاتار, اعىمداعى وقۋ جىلىندا ەلدىڭ جەتەكشى سپورتشىلارىنىڭ ۆەبينارلارى وتكىزىلىپ, ولار وزدەرىنىڭ جەتىستىككە جەتۋ سىرلارى تۋرالى اڭگىمەلەسەدى. بارلىق بەينە ساباقتار kundelik.kz ءبىلىم بەرۋ پلاتفورماسىندا جانە قازاقستان ۇلتتىق وليمپيادا كوميتەتىنىڭ Youtube كانالىندا قول جەتىمدى بولادى.
قازاقستان رەسپۋبليكاسىنىڭ ۇلتتىق وليمپيادالىق كوميتەتى وليمپيادالىق حارتياعا سايكەس وليمپيادالىق قوزعالىستى دامىتۋ جانە قورعاۋ, قازاقستان اۋماعىندا قۇرمەت, دوستىق وليمپيادالىق قۇندىلىقتار ناسيحاتتاۋ ماقساتىندا قۇرىلدى. ۇلتتىق وليمپيادالىق كوميتەتتىڭ تاعى ءبىر ماقساتى - جوعارى دارەجەدەگى قازاقستاندىق سپورتشىلاردى وليمپيادا ويىندارىنا قاتىسۋعا دايىنداۋ ارقىلى قازاقستان رەسپۋبليكاسىندا سپورت تۇرلەرىن قارقىندى دامىتۋ.
Kundelik.kz – مۇعالىمدەرگە, وقۋشىلارعا, اتا-انالارعا, ءبىلىم بەرۋ ۇيىمدارىنىڭ اكىمشىلىگىنە, سونداي-اق ءبىلىم بەرۋ ورگاندارىنىڭ وكىلدەرىنە ارنالعان بىرىڭعاي ەلەكتروندىق ءبىلىم بەرۋ ورتاسى. ءبىلىم بەرۋ ۇيىمدارى ءۇشىن ەلەكتروندىق قۇجات اينالىمىنىڭ مۇمكىندىكتەرىن جانە ءبىلىم بەرۋ پروتسەسىنىڭ بارلىق قاتىسۋشىلارى, اتاپ ايتقاندا, مۇعالىمدەر, اتا-انالار مەن وقۋشىلار اراسىندا الەۋمەتتىك جەلى قۇرالدارى بىرىكتىرىلگەن اۆتوماتتاندىرىلعان ءبىلىم بەرۋ اقپاراتتىق جۇيەسى.
