قوعام • 22 قازان، 2020

كولىك ءنومىرىن ۇرلاۋ كوبەيگەن

14 رەت كورسەتىلدى

اقشا تابۋ ءۇشىن نەدەن دە بولسا ارلانبايتىن ايلاكەرلەردىڭ ارەكەتى تىيىلماي تۇر. قۋلىعىنا قۇرىق بويلامايتىن قاسكۇنەمدەر كوشە بويىندا قاڭتارىلىپ تۇرعان اۆتوكولىكتەردىڭ ءنومىرىن ۇرلاپ، تەمىر تۇلپار يەسىنەن اقشا بوپسالايتىن بولعان.

الماتى  قالاسىنىڭ اۋماعىن­دا جىل باسىنان بەرى كولىكتەردىڭ مەم­لەكەت­تىك نومىرلەرىن ۇرلاۋ­دىڭ 21 فاكتىسى تىركەلىپتى. اسى­رەسە، الەۋ­مەتتىك جەلىنى اشىپ قالساڭىز، ءبىز ايتىپ وتىرعان ما­سە­لەگە قاتىستى جاز­بالاردى كوپ­­تەپ كەزدەستىرەسىز. كەيبىر جە­لى قولدانۋشىلارى مۇن­داي جاع­دايدى ءوز باسىنان بىر­نەشە مارتە وتكەرگەنىن جازسا، ەن­دى بىرەۋ­لەر وقيعا ورنىنان بەي­­­نە­­جاز­با قالدىرىپ، ءتارتىپ ساق­شى­لارىنا مۇڭىن شاققان. مامان سوزىنە سۇيەنسەك، كوپتەگەن كولىك جۇرگىزۋشىلەرىن ابىگەرگە سالعان كەلەڭسىز وقيعا شاھاردا بىلايشا ءورىس الىپ وتىرعان.

– بۇل قىلمىستار ماتەريالدىق-پايداكۇنەمدىك سيپاتقا يە. قۇ­قىق بۇزۋشى جابىرلەنۋشىنىڭ مەملە­كەتتىك تىركەۋ نومىرلىك بەلگىسىن الىپ كەتىپ، اۆتوكولىك يەسىنە الدىن الا دايىندالعان ەسەپشوتىنا اقشا سالۋدى تالاپ ەتەدى. اقشا تۇسكەن سوڭ، ۇرلانعان ءنومىردى جا­­سىر­عان جەرىن كورسەتەتىنىن جازىپ، حات قالدىرادى. بۇل قۇقىق بۇزۋشىلىق بويىنشا قر قك-ءنىڭ 190-بابىنا سايكەس قىلمىستىق ءىس قوزعالادى. جىل باسىنان بەرى مۇنداي ۇرلىقتىڭ بىرنەشە فاك­تىسى تىركەلگەن. كۇدىكتى انىق­تال­دى. سونىمەن قاتار ءبىز ازا­مات­­تاردى قاسكۇنەمدەردىڭ جەتە­گىنە ەرمەۋگە جانە دەرەۋ «102» پۋلتىنە حابار بەرۋگە شاقىرا­مىز، – دەيدى الماتى قالاسىنىڭ پد كري­مينالدىق پوليتسيا باسقار­ماسىنىڭ باستىعى ەركىن ىڭكاروۆ.

كولىك سانىنىڭ كوپتىگىنەن كوش باستاپ تۇرعان مەگاپوليستە مۇنداي وقيعا جىل سايىن تىركەلىپ وتىرادى.  الماتى قالالىق پولي­تسيا دەپارتامەنتى ءباسپاسوز قىزمەتىنىڭ مالىمەتىنشە، تىركەلگەن 21 ۇر­لىق­تىڭ 20-سى اشكەرەلەنگەن. اتال­مىش وقيعا بويىنشا ءۇش ادام قىل­مىستىق جاۋاپكەرشىلىككە تار­تىلىپتى. ءنومىردى قايتا راسىم­دەۋدىڭ ماشاقاتىنان قاشقان جۇر­گىزۋشىلەر الاياقتاردىڭ ارباۋىنا كونىپ، ايتقان اقشاسىن امالسىز اۋدارعان جاعدايلار دا جەتەرلىك. ازاماتتاردى اباي بولۋعا ۇندەگەن  ماماندار، كولىك ءنومىرىن قوسىمشا بەكىتكىشتەرمەن ۇستاتىپ، تۇنگى ۋاقىتتاردا قالتارىس ورىنداردا قالدىرماۋعا شاقىردى.

 

الماتى

 

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

عارىشتان انىقتالعان قوقىستار

ەكولوگيا • بۇگىن، 08:24

ۇقساس جاڭالىقتار