ايماقتار • 21 قازان، 2020

تمد ەلدەرىندە ىزدەۋدە جۇرگەن 20 قىلمىسكەر سولتۇستىك قازاقستاندا ۇستالدى

190 رەت كورسەتىلدى

بۇل تۋرالى سولتۇستىك قازاقستان وبلىستىق پد كريمينالدىق پوليتسياسى حابارلادى.

«تمد ەلدەرىنىڭ باسشىلارى قول قويعان مينسك جانە كيشينەۆ كونۆەنتسيالارىنىڭ شەڭبەرىندە ىزدەستىرىلەتىن قىلمىسكەرلەردى ۇستاپ بەرۋگە مىندەتتىمىز. سونىمەن قاتار سولتۇستىك قازاقستان وبلىسى رەسەي فەدەراتسياسىنىڭ كورشىلەس ومبى، تۇمەن جانە قورعان وبلىستارىمەن شەكارالىق ىنتىماقتاستىق شەڭبەرىندە دە وسى ماسەلە تۋرالى كەلىسىمگە قول قويعان. وسى كەلىسىمدەردىڭ  ناتيجەسىندە ءبىز قىلمىسكەرلەر تۋرالى اقپاراتتارمەن الماسىپ، ولاردى قۇرىقتاۋدى بىرلەسىپ جۇرگىزەمىز»، دەيدى سولتۇستىك قازاقستان وبلىستىق پد كريمينالدىق پوليتسياسىنىڭ باستىعى، پولكوۆنيك پەتر كليموۆ.

بيىل جىل باسىنان بەرى سولتۇستىك قازاقستاندا تمد ەلدەرىندە ىزدەستىرۋ جاريالانعان 20 قىلمىسكەر ۇستالدى. ولاردىڭ ءبارى قىلمىس جاساعان ەلدەرىنە ەتاپپەن اتتاندىرىلدى. قازىر ولار ءوز ەلدەرىندە جازالارىن وتەۋدە.

سونىمەن قاتار ءبىزدىڭ وبلىستا جاساعان قىلمىستارى ءۇشىن ىزدەستىرۋ جاريالانعان ەكى قىلمىسكەر قازاقستان اۋماعىنان تىس جەرلەردە ۇستالىپ، ەلگە جەتكىزىلدى. سونىڭ ىشىندە 1992 جىلى تۋعان بىرەۋى ادامعا بۇزاقىلىقپەن جاراقات سالعانى ءۇشىن بىلتىر سوتتالعان ەدى. ارادا از ۋاقىت وتكەندە ول ۋاقىتىنان بۇرىن شارتتى جازامەن بوساتىلعان. بىراق ول بۇل جازانىڭ تالاپتارىن ورىنداماي، رەسەيگە قاشىپ كەتكەن ەدى. سولتۇستىك قازاقستان پوليتسياسى قىلمىسكەر تۋرالى اقپاراتتى رەسەيلىك ارىپتەستەرىنە جىبەرگەن.  ارتىنان مەملەكەتارالىق ىزدەۋ دە جاريالاندى. قاشقىن اقىرىندا رەسەيدىڭ استراحان وبلىسىندا ۇستالىپ، سولتۇستىك قازاقستانعا ەتاپپەن جەتكىزىلدى. قازىر ول باس بوستاندىعىنان ايىراتىن ورىندا جازاسىن وتەۋدە.

مەزگىلىنەن بۇرىن شارتپەن بوساتىلعان كەيبىر قىلمىسكەرلەر وزدەرىنە جاسالعان جەڭىلدىكتى ۇقپايدى. تۇراتىن مەكەن-جايلارىن الماستىرسا جازاسىن اتقارۋدان بوساتىلامىن دەپ ويلايدى. ال قازىر تمد شەڭبەرندەگى  ەلەكتروندى اقپاراتتار بازاسى ارقىلى وندايلاردىڭ قايدا جۇرگەندىگى ىزدەستىرۋ جاساعان مەملەكەتكە بىردەن بەلگىلى بولادى. سوندىقتان وندايلاردىڭ شەتەلگە باس ساۋعالاعانىنان وزىنە ەش پايدا بولمايدى، كەرىسىنشە جازاسىن اۋىرلاتىپ الادى.   

جىل باسىنان بەرى سولتۇستىك قازاقستان وبلىستىق پد 37 قىلمىسكەرگە ىزدەۋ جاريالاعان. سونىڭ 28 بۇگىنگى تاڭدا ۇستالدى.

سولتۇستىك قازاقستان وبلىسى  

سوڭعى جاڭالىقتار

2021 جىلعى ورازا كەستەسى

رۋحانيات • بۇگىن، 15:36

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

ۇقساس جاڭالىقتار