اتاپ ايتقاندا استانا – ينتەرناتسيونال, ن. نازارباەۆ – اباي, جامبىل – ينتەرناتسيونال كوشەلەرىنىڭ قيىلىسىندا «ينتەگرا» بەينە باقىلاۋ جۇيەسى جۇمىس ىستەيدى. ارقايسى باعدارشامنىڭ تىيىم سالىنعان تۇسىنە ءوتىپ كەتۋ جانە توقتاۋ سىزىعىنان شىعۋ سياقتى بۇزۋشىلىقتاردى تىركەيتىن 9 كامەرادان تۇرادى. ال ع. مۇسىرەپوۆ – جامبىل, ن.نازارباەۆ – ينتەرناتسيونال, جامبىل – پارتيزان, ك.سۇتىشەۆ – م. جۇماباەۆ كوشەلەرىنىڭ قيىلىسىندا ورناتىلعان «ميراج» جۇيەسىنىڭ 4 كامەراسى باعدارشامنىڭ بەلگىلەرىنە قاتىستى ەرەجەلەردىڭ ساقتالۋىن باقىلايدى. سونىمەن قاتار جىلدامدىعىن ساعاتىنا 60 كم اسىراتىن كولىكتەردىڭ نومىرلەرىن تىركەيدى. اقپارات كومپيۋتەرمەن وڭدەلىپ, وپەراتور تەكسەرگەننەن كەيىن جۇيە اۆتوماتتى تۇردە حاتتاما راسىمدەيدى. وتكەن جىلدىڭ جەلتوقسان ايىندا اكىمشىلىك قۇقىق بۇزۋشىلىقتاردىڭ بىرىڭعاي ءتىزىلىمىنىڭ اقپاراتتىق جۇيەسى ءتۇرلى مەملەكەتتىك ورگانداردىڭ دەرەكتەر بازالارىمەن بىرىكتىرىلگەننەن كەيىن «اقىلدى» كامەرالار شەتەلدىك نومىرلەردى دە انىقتاي باستادى. «جۇرگىزۋشىلەردىڭ ءتارتىبىن ارتتىرۋدا ينتەللەكتۋالدى بەينە باقىلاۋ جۇيەلەرى ماڭىزدى ءرول اتقارادى. وسىنداي قيىلىستاردا جۇرگىزۋشىلەر جول قوزعالىسى ەرەجەلەرىن قاتاڭ ۇستانۋعا تىرىساتىنى بۇرىننان بەلگىلى. دەي تۇرعانىمەن, كوبى اسىعىستىق جاسايدى, - دەيدى سقو پوليتسيا دەپارتامەنتى باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ.
جىل باسىنان بەرى پەتروپاۆلدا «ينتەللەكتۋالدى بەينە جۇيەلەر» ارقىلى جىلدامدىق رەجىمىن بۇزۋدىڭ 596 بۇزۋشىلىعى تىركەلدى.
پەتروپاۆل
