"2020 جىلدىڭ توعىز ايىندا 320-دان استام ايەل ءبىزدىڭ كومەگىمىزگە جۇگىندى. 160-قا جۋىق ايەل ايەلدەردى زورلىق-زومبىلىقتان قورعاۋ توبىنىڭ جەكە قابىلداۋىندا بولدى. بالا-شاعالى 39 ايەل داعدارىس ورتالىعىنا ورنالاستىرىلدى. ولاردىڭ وتىنىشتەرى بويىنشا 93 قۇقىق بۇزۋشى اكىمشىلىك جاۋاپكەرشىلىككە تارتىلىپ, 127 قورعاۋ نۇسقاماسى شىعارىلدى. 47 ايەلگە ازاماتتىق-قۇقىقتىق قاتىناستاردا كومەك كورسەتىلىپ, 89 ادام ماجبۇرلەپ ەمدەۋ مەكەمەلەرىنە ورنالاستىرىلدى. ولاردىڭ كەيبىرەۋى بالالارىمەن بىرگە داعدارىس ورتالىقتارىنا ورنالاستىرىلدى. ال كەيبىرەۋىنە ۇكىمەتتىك ەمەس ۇيىمداردىڭ وكىلدەرىمەن بىرگە كومەك كورسەتىلدى", دەيدى گۇلميرا شىراحمەتوۆا.
سونىمەن بىرگە, اعا ينستپەكتور ادام قۇقىعى جانە زاڭدىلىقتى ساقتاۋ جونىندەگى قازاقستاندىق بيۋرو ۋكراينادان كەڭەس وداعى كەزەڭىندە كەلگەن ايەلدىڭ قۇجاتتارىن قالپىنا كەلتىرگەنىن ايتتى.
"بۇعان دەيىن ونىڭ ەشبىر قۇجاتى بولماعان. تيىسىنشە, ايەلدىڭ بالالارىندا دا ەشبىر قۇجات بولماعان. قۇجاتتاردى قالپىنا كەلتىرگەننەن كەيىن ول بالالارىنا الەۋمەتتىك تولەمدەر الا باستادى جانە جۇمىسقا ورنالاسىپ, باسپانالى بولدى. مۇنداي مىسالداردى كوپتەپ كەلتىرۋگە بولادى", دەيدى اعا ينسپەكتور.
گۇلميرا شىراحمەتوۆانىڭ ايتۋىنشا, ايەلدەر ينسپەكتورلارعا ءارتۇرلى ماسەلەمەن جۇگىنە ەكەن.
ء"بىز ۇيلەستىرۋشى ورگان رەتىندە ۇكىمەتتىك ەمەس ۇيىمدارعا حابارلاسىپ, ولارعا كومەكتەسەمىز. كوپتەگەن ايەل كۇيەۋلەرىمەن دە جۇمىس جاساعانىمىزدى قالايدى. ازاماتتىق باستامالاردى قولداۋ ورتالىعى بار. ولار قازىر 12 وتباسىمەن جۇمىس ىستەۋدە. بۇل وتباسىلارعا قيىندىقتاردى جەڭۋگە جانە وتباسىداعى قارىم-قاتىناستى رەتتەۋگە كومەكتەسەدى", دەيدى گۇلميرا شىراحمەتوۆا.
ينسپەكتوردىڭ سوزىنشە, وتباسىلىق داۋ-دامايدا ەرلى-زايىپتىنىڭ بىرەۋى عانا كىنالى بولۋى مۇمكىن ەمەس.
ء"بىز وتباسىنى بارىنشا ساقتاپ قالۋعا تىرىسامىز. ال وتباسىن ساقتاپ قالۋ مۇمكىن ەمەس جاعداي بولسا – وندا اڭگىمە باسقاشا, ارينە. تۇرمىستىق زورلىق-زومبىلىق كوپ جاعدايدا ىشىمدىك ىشكەن كۇيدە بولادى جانە قول كوتەرۋگە دە كوپ جاعدايدا قىزعانىش سەبەپ بولادى", دەيدى ول.
ەسكە سالايىق, ەلىمىزدە تۇرمىستىق زورلىق-زومبىلىق قۇربانى بولعان ايەلدەر ءۇشىن 1409, ال جىنىستىق زورلىق-زومبىلىق قۇرباندارى ءۇشىن +7081060810 جانە 150 ءنومىرى بويىنشا بايلانىس ورتالىقتارى جۇمىس ىستەيدى. بۇل سەنىم تەلەفوندارى ارقىلى قۇقىقتىق جانە پسيحولوگيالىق كەڭەس الۋعا بولادى.
