پالاتا سپيكەرى نۇرلان نىعماتۋليننىڭ توراعالىعىمەن ءوتكەن ءماجىلىس بيۋروسىندا جالپى وتىرىستا قارالاتىن ماسەلەلەر بەلگىلەندى, دەپ حابارلادى ءماجىلىستىڭ ءباسپاسوز قىزمەتى.
پالاتا سپيكەرى نۇرلان نىعماتۋليننىڭ توراعالىعىمەن ءوتكەن ءماجىلىس بيۋروسىندا جالپى وتىرىستا قارالاتىن ماسەلەلەر بەلگىلەندى, دەپ حابارلادى ءماجىلىستىڭ ءباسپاسوز قىزمەتى.
كۇن تارتىبىنە سايكەس, «وڭالتۋ جانە بانكروتتىق تۋرالى» زاڭ جوباسى ىلەسپە تۇزەتۋلەرىمەن پالاتا قاراۋىنا ءبىرىنشى وقىلىمدا شىعارىلادى. ال قارجىلىق (ينۆەستيتسيالىق) پيراميدالاردىڭ قىزمەتىنە قارسى ءىس-قيمىل ماسەلەلەرىنە قاتىستى تۇزەتۋلەر ەكىنشى وقىلىمدا قارالسا, سونىمەن قاتار, الەۋمەتتىك قامسىزداندىرۋ بويىنشا زاڭنامالىق جاڭا ەنگىزىلىمدەر دە قارالاتىن بولادى.
جالپى وتىرىسقا: «2009 جىلعى 30 ناۋرىزداعى قازاقستان رەسپۋبليكاسى مەن ەۋروپا قايتا قۇرۋ جانە دامۋ بانكى اراسىنداعى قارىز تۋرالى كەلىسىمگە («وڭتۇستىك – باتىس» جول ءدالىزىنىڭ جوباسى («باتىس ەۋروپا – باتىس قىتاي» حالىقارالىق ترانزيت ءدالىزى) №1 قوسىمشا كەلىسىمدى راتيفيكاتسيالاۋ تۋرالى»; «قازاقستان رەسپۋبليكاسى مەن ازيا دامۋ بانكى اراسىنداعى قارىز تۋرالى كەلىسىمدى (جاي وپەراتسيالار) (واوەى ءدالىز 2 ينۆەستيتسيالىق باعدارلاماسى [ماڭعىستاۋ وبلىسىنداعى ۋچاسكەلەر] - 2-جوبا) راتيفيكاتسيالاۋ تۋرالى»; «1997 جىلعى 10 ماۋسىمداعى جازاسىن ءارى قاراي وتەۋ ءۇشىن, باس بوستاندىعىنان ايىرۋعا سوتتالعان ادامداردى تاپسىرۋ تۋرالى قازاقستان رەسپۋبليكاسى مەن ازەربايجان رەسپۋبليكاسى اراسىنداعى شارتقا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوبالارىنىڭ توبى ەنگىزىلەدى.
پالاتا, سونداي-اق, قىرعىزستان رەسپۋبليكاسىندا مەكتەپ سالۋ تۋرالى قازاقستان – قىرعىزستان ۇكىمەتارالىق كەلىسىمىنە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى بويىنشا سالالىق كوميتەتتىڭ قورىتىندى ازىرلەۋ مەزگىلىن ناقتىلايتىن بولادى.
