ء"وزىن ءوزى ەمدەۋدە ءجيى قولدانىلاتىن زاتتار - بۇل دەنساۋلىققا قاتىستى اۋرۋلاردى ەمدەيتىن, ۇيدە ءجيى كەزدەسەتىن رەتسەپتىسىز بوساتىلاتىن ءدارى-دارمەكتەر جانە ديەتالىق قوسپالار. ءوزىن-ءوزى ەمدەۋ - كوبىنە بارىمىزگە بەلگىلى مەديتسينا جۇيەسىنەن تاۋەلسىز تۇردە ەمدەلۋ, سونداي-اق باستاپقىدا قالىپتاسقان نەمەسە كاسىبي مەديتسينالىق ەمدەۋدەن باس تارتۋ قۇقىعىمەن تىعىز بايلانىستى ادام قۇقىعى رەتىندە قاراستىرىلادى", - دەپ اتاپ ءوتتى ي.قالقاباەۆا.
دەگەنمەن, دارىگەردىڭ ايتۋىنشا, ددۇ تۇلعاسىنداعى رەسمي مەديتسينا ءوزىن-ءوزى ەمدەۋ ەمحاناعا بارۋدى الماستىرمايتىنىن مويىندايدى. بۇل دارىگەرگە دەيىنگى كومەك قۇرالى.
"بۇگىنگى كۇنى ءوزىن ءوزى ەمدەۋ قيىن ەمەس: ويتكەنى ينتەرنەت جەلىسىنە سيمپتومداردى تولىق جازساڭىز, اۋرۋىڭىزدىڭ تولىق كورىنىسىن, سونداي-اق ءدارى-دارمەكتەردى تاڭداۋ بويىنشا ۇسىنىستاردى الا الاسىز. الايدا, ءدال وسىلاي ەمدەۋدى ءجون كورەتىندەردىڭ ءبارى كوپتەگەن اۋرۋلاردىڭ بىردەي بەلگىلەرى بار ەكەنىن ۇمىتىپ كەتەدى. بىراق سونىمەن بىرگە ەمدەۋ مەن ونى جۇرگىزۋ مەرزىمدەرىنە مۇلدەم باسقا كوزقاراستى قاجەت ەتەدى. ادام ءبىلىمنىڭ جەتىسپەۋشىلىگىنەن عانا ەمەس, دياگنوستيكالىق قۇرالداردىڭ جەتىسپەۋشىلىگىنەن دە ناقتى دياگنوز قويا المايدى",- دەپ اتاپ ءوتتى دارىگەر.
دارىگەردىڭ قابىلداۋىندا ناۋقاس ءوزىنىڭ شاعىمدارى مەن بەلگىلەرى تۋرالى ايتىپ قانا قويمايدى, سونىمەن قاتار تەكسەرۋدەن وتەدى. كوبىنەسە دارىگەرلەر ناۋقاستى سىرتقى تەكسەرۋمەن شەكتەلمەيدى. سونىمەن بىرگە, تالداۋعا جانە تەرەڭىرەك تەكسەرۋ ءۇشىن توموگرافيا نەمەسە ۋلترادىبىستىق تەكسەرۋگە جىبەرىلەدى.
