سەكىرۋ الدىندا كۋرسانتتار تاجىريبەلى وقىتۋشىلاردىڭ نۇسقاۋىمەن پاراشيۋت جۇيەلەرىنىڭ تاكتيكالىق-تەحنيكالىق سيپاتتامالارىن, پاراشيۋتشىلەردىڭ كۇمبەزدى اشقانعا دەيىنگى جانە ودان كەيىنگى ءىس-ارەكەتتەرىن زەرتتەدى. سونىمەن قاتار قونۋ ءتارتىبىن پىسىقتاپ, سىناقتار تاپسىردى.
"سىناق بارىسىندا دەسانتشىلار اسپالى جۇيەنى كەلتىرۋ, پاراشيۋت كيۋ جانە سەكىرۋ مەن جابدىقتاۋعا بايلانىستى ماسەلەلەر بويىنشا بىلىمدەرىن راستادى. باقىلاۋ ساباعىندا ءاربىر كۋرسانت پراكتيكالىق ءىس – ارەكەتتەرى مەن داعدىلارى ءۇشىن باعا الدى", – دەپ ءتۇسىندىردى ينستيتۋتتىڭ اسكەري جانە ارنايى بارلاۋ كافەدراسىنىڭ اسكەري بارلاۋ تسيكلىنىڭ وقىتۋشىسى پودپولكوۆنيك رومان اكماەۆ.
ءبىرىنشى سەكىرۋ قارۋسىز جانە ارنايى سومكەسىز ءوتتى. بولاشاقتا كۋرسانتتار قارۋ-جاراقپەن جانە تولىق جابدىقتالىممەن سەكىرەدى. سونداي-اق كۇردەلى جەرگە جانە سۋعا قونا وتىرىپ, تۇنگى جاعدايلاردا دەسانتتاۋ كوزدەلگەن.
سەكىرۋدەن كەيىن وقىتۋشىلار مەن نۇسقاۋشىلار كۋرسانتتاردى ءبىرىنشى ەمتيحاندى ءساتتى تاپسىرۋمەن قۇتتىقتاپ, ولارعا پاراشيۋتشىلەردىڭ جولاق جەيدەسى مەن توسبەلگىلەرىن تابىس ەتتى.
