وسى جوبالاردى جۇزەگە اسىرۋ ءۇشىن ەل جاناشىرلارى, وبلىستىق ماسليحاتتاعى Nur Otan پارتياسىنىڭ فراكتسيا وكىلدەرى مەن وزگە دە ازاماتتار قولداۋ كورسەتۋدە. مىسالى, تۇلكىباس اۋدانىندا كاسىپكەر بەيبىت تۋلەشەۆ اتالعان جوبالار اياسىندا ورتالىق اۋرۋحاناعا 2 جاساندى تىنىس الۋ اپپاراتىن تارتۋ ەتتى. سونداي-اق كاسىپكەر الما باۋىنىڭ ءبىر كۇندىك تەرىلگەن الماسىن اۋرۋحانا دارىگەرلەرىنە جانە ەم قابىلداپ جاتقان ناۋقاستارعا تاراتتى. جومارت جان ىندەتتىڭ ەكىنشى تولقىنىنا دايىندىق جۇمىستارى تۋرالى ەستىپ, دايىندىق جۇمىستارىنا ءوز ۇلەسىن قوسۋدى نيەت ەتكەنىن ايتادى. ايتا كەتەلىك, اۋدان اكىمدىگىنىڭ ۇيىمداستىرۋىمەن پاندەميانىڭ قيىن شاعىندا تۇلكىباستىق ەرىكتىلەر وتتەگى كوتسەنتراتورىنىڭ 42 داناسىن, 360 دانا ارنايى مەديتسينالىق قورعانىش كيىمىن, 210 دانا وتتەگى بالونىن, 5 دانا اۆتوماتتاندىرىلعان كىر جۋ ماشيناسىن, 22 پۋلسوكسيمەتر جانە بولمە-پالاتالاردى زالالسىزداندىرۋعا قاجەتتى كۆارتس لامپالارىن تاپسىرعان. سونداي-اق اۋدان ەرىكتىلەرى قاۋىرت كەزدە مەديتسينا سالاسىنىڭ قىزمەتكەرلەرىنە تۇسكى اس ۇلەستىرۋ ءىسىن ۇيىمداستىردى.
ال Nur Otan پارتياسى تۇركىستان وبلىستىق فيليالى جۋىردا ء«ومىر» جانە «شيپا» جوبالارى اياسىندا اۋرۋحانالارعا 31 جاساندى تىنىس الۋ اپپاراتىن جانە 200 مۇقتاج وتباسىنا ءدارى-دارمەك قوراپشالارىن جىبەردى. بۇعان دەيىن دە ء«ومىر» جوباسى بويىنشا اۋرۋحانالارعا 21 اپپارات, ال «شيپا» ارقىلى 400 وتباسىنا ءدارى-دارمەك تاپسىرىلعان بولاتىن. ياعني پارتيانىڭ ۇيلەستىرۋىمەن تاپسىرىلعان جاساندى تىنىس الۋ اپپاراتتارىنىڭ سانى 52-گە جەتىپ وتىر.
ەلىمىزدە كوروناۆيرۋس ىندەتى شارىقتاپ, ەل قينالعان ساتتە پارتيا تاراپىنان ء«بىز بىرگەمىز» اكتسياسى شەڭبەرىندە وبلىستا 43 مىڭنان استام وتباسىنا ازىق-ت ۇلىك بەرىلسە, 34 055 وتباسىنا 50 مىڭ تەڭگەدەن بەرىلدى. تاياۋدا تاعى 4 852 وتباسىنا 50 مىڭ تەڭگەدەن بەرىلەدى دەپ جوسپارلانىپ وتىر.
– وبلىستىق ءماسليحات دەپۋتاتتارى, پارتيا مۇشەلەرى جانە وزگە دە كاسىپكەرلەردىڭ كومەگىمەن ء«ومىر» جوباسى بويىنشا 52 جاساندى تىنىس الۋ اپپاراتى ساتىپ الىندى. سونىمەن بىرگە «شيپا» جوباسى ارقىلى از قامتىلعان 600 وتباسى ءدارى-دارمەكپەن قامتىلدى. ەل ازاماتتارىنا, كاسىپكەرلەرگە, Jas Otan جاستار قاناتى مەن Jas Turkistan ەرىكتىلەر كلۋبىنا العىسىمىز مول, – دەيدى Nur Otan پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ.
جالپى, قايىرىمدىلىق جوبالارىنا اتسالىسقان كاسىپكەرلەر مەن دەپۋتاتتار قاتارىنداعى نۇرالى ءابىشوۆ, ماعاۋيا تۇرىسبەكوۆ, الماس ساليموۆ, قاينار اباسوۆ جانە جاڭاباي اعابەكوۆ باستاعان ءبىر توپ ازامات ەلگە كومەكتەسۋگە ارقاشان دايىن ەكەندىكتەرىن ايتادى.
ايتا كەتەلىك, جوبانى Jas Otan جاستار قاناتى جانە وبلىستىق «جاستار رەسۋرستىق ورتالىعى» جانىنان قۇرىلعان Jas Turkistan ەرىكتىلەر قوزعالىسى ۇيلەستىرۋدە.
تۇركىستان وبلىسى
