باسىلىمنىڭ مالىمەتى بويىنشا, ول گيننەستىڭ رەكوردتار كىتابىنا رەكوردشى رەتىندە ەنۋ ءۇشىن ەكى رەت جاسىل الاڭعا شىققان. 74 جاستاعى فۋتبولشى ءوزىنىڭ العاشقى كەزدەسۋىن ناۋرىز ايىندا وتكىزگەن. ءتىپتى پەنالتي ورىنداپ, قارسىلاستىڭ قاقپاسىن ءدال كوزدەگەن. كەيىننەن ول پاندەميا سالدارىنان ەكىنشى ويىنىن وتكىزۋ ءۇشىن جارتى جىل كۇتۋگە ءماجبۇر بولدى.
«6 قازان» اتتى كلۋبتا ونەر كورسەتەتىن باحادەر جۋىردا ء«ال-ويات» كومانداسىمەن وتكەن ويىندا الاڭعا شىقتى. «مەن مۇنىمەن توقتاپ قالعىم كەلمەيدى. الداعى ۋاقىتتا باسەكەلەستىكتى ارتتىرۋ ءۇشىن جەكە رەكوردىمدى تاعى ءبىر مارتە جاڭالاۋ نيەتىم بار», دەيدى ول.
ايتا كەتەيىك, بۇعان دەيىن جاسى ەڭ ۇلكەن فۋتبولشىنىڭ رەكوردى 73 جاستاعى يزرايلدىك يسااك حايككە تيەسىلى ەدى.
