قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ رەسمي ساپارمەن امەريكا قۇراما شتاتتارىندا ءجۇر. ۆاشينگتوندا قازاقستان قورعانىس ۆەدومستۆوسىنىڭ باسشىسى ءوزىنىڭ امەريكالىق ارىپتەسى – اقش قورعانىس ءمينيسترى چارلز حەيگەلمەن كەزدەستى.
ەكىجاقتى كەزدەسۋ كەزىندە قازاقستان مەن اقش قورعانىس ۆەدومستۆولارىنىڭ باسشىلارى اسكەري جانە اسكەري-تەحنيكالىق ىنتىماقتاستىقتىڭ بۇگىنگى جاعدايى مەن كەلەشەك دامۋىن تالقىلادى.
– امەريكا قۇراما شتاتتارى قازاقستان ءۇشىن ستراتەگيالىق سەرىكتەس بولىپ تابىلادى. قازاقستان مەن اقش پرەزيدەنتتەرى اراسىنداعى جۇيەلى كەزدەسۋلەر, سونداي-اق, بەيبىتشىلىك پەن تۇراقتىلىقتى نىعايتۋ ماسەلەلەرى بويىنشا جالپى تۇسىنۋشىلىك ءبىزدىڭ ەلدەر اراسىنداعى قارىم-قاتىناستىڭ تەرەڭدەي تۇسۋىنە ىقپال ەتەدى.
قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ رەسمي ساپارمەن امەريكا قۇراما شتاتتارىندا ءجۇر. ۆاشينگتوندا قازاقستان قورعانىس ۆەدومستۆوسىنىڭ باسشىسى ءوزىنىڭ امەريكالىق ارىپتەسى – اقش قورعانىس ءمينيسترى چارلز حەيگەلمەن كەزدەستى.
ەكىجاقتى كەزدەسۋ كەزىندە قازاقستان مەن اقش قورعانىس ۆەدومستۆولارىنىڭ باسشىلارى اسكەري جانە اسكەري-تەحنيكالىق ىنتىماقتاستىقتىڭ بۇگىنگى جاعدايى مەن كەلەشەك دامۋىن تالقىلادى.
– امەريكا قۇراما شتاتتارى قازاقستان ءۇشىن ستراتەگيالىق سەرىكتەس بولىپ تابىلادى. قازاقستان مەن اقش پرەزيدەنتتەرى اراسىنداعى جۇيەلى كەزدەسۋلەر, سونداي-اق, بەيبىتشىلىك پەن تۇراقتىلىقتى نىعايتۋ ماسەلەلەرى بويىنشا جالپى تۇسىنۋشىلىك ءبىزدىڭ ەلدەر اراسىنداعى قارىم-قاتىناستىڭ تەرەڭدەي تۇسۋىنە ىقپال ەتەدى.
ىنتىماقتاستىقتىڭ ماڭىزدى اسپەكتىلەرىنىڭ ءبىرى – اسكەري سالاداعى ءوزارا ءىس-قيمىل, – دەدى ءا.جاقسىبەكوۆ.
قازىرگى كەزدە قازاقستان مەن اقش قورعانىس ىنتىماقتاستىعى ۇزاق مەرزىمدى سيپات العان جانە بەسجىلدىق جوسپارلاۋ نەگىزىندە جۇرگىزىلەدى (انىقتاما: 2013-2017 جىلدارعا ارنالعان ىنتىماقتاستىقتىڭ بەس جىلدىق جوسپارىنا 2012 جىلى قاراشا ايىندا ۆاشينگتون قالاسىندا قول قويىلدى). قازاقستان – امەريكا اسكەري ىنتىماقتاستىعى ءبىتىمگەرلىك پەن اسكەري ءبىلىم سياقتى سالالاردا دامۋدا.
تاراپتار اۋعانستان مەن ورتالىق ازيادا تۇراقتىلىق پەن قاۋىپسىزدىكتى ساقتاۋ ماسەلەلەرىن تالقىلادى. قازاقستان اۋعانستانداعى جاعدايدى تۇراقتاندىرۋ جونىندەگى حالىقارالىق باستامالاردى قولدايدى جانە بەلسەندىلىك تانىتادى, دەدى ءا.جاقسىبەكوۆ.
– ءبىزدىڭ ەلدىڭ پرەزيدەنتى نۇرسۇلتان نازارباەۆتىڭ باستاماسىمەن قازاقستان اۋعانستانعا ەكونوميكالىق جانە گۋمانيتارلىق كومەك كورسەتۋدە. قازاقستان قورعانىس ۆەدومستۆوسى قازاقستاننىڭ اۋعانستانعا جاردەم بەرۋ جونىندەگى ساياساتىنىڭ جۇزەگە اسىرىلۋىنا قاتىسادى. ءبىز ايماقتاعى باسقا دا ەلدەرگە ىقتيمال قاتەرلەرگە قارسى تۇرۋ شەڭبەرىندە قورعانىس قابىلەتى مەن قاۋىپسىزدىگىنىڭ ارتۋىنا قولداۋ كورسەتەمىز, – دەدى قازاقستاننىڭ قورعانىس ءمينيسترى.
ءوز كەزەگىندە چ.حەيگەل قازاقستاننىڭ اۋعانستانداعى جاعدايدى تۇراقتاندىرۋعا قوسىپ وتىرعان زور ۇلەسىن اتاپ ءوتتى. ول, سونداي-اق, امەريكا تاراپى قازاقستان قارۋلى كۇشتەرىمەن ىنتىماقتاستىقتى كادرلار دايارلاۋ, بىرلەسكەن جاتتىعۋلار وتكىزۋ, سونداي-اق, قورعانىس-ونەركاسىپ كەشەنى سالاسىندا جالعاستىرۋعا مۇددەلى ەكەنىن ايتتى.
بۇگىن قازاقستان قارۋلى كۇشتەرىنىڭ دامۋىن بەلگىلەيتىن ءۇردىس ونىڭ كاسىبيلەندىرىلۋى بولىپ تابىلادى. قازاقستان رەسپۋبليكاسى قارۋلى كۇشتەرى جوعارعى باس قولباسشىسىنىڭ تاپسىرماسى بويىنشا اسكەري ۆەدومستۆو قۇرامى مەن قۇرىلىمى جاعىنان تەڭ, كەز كەلگەن قاۋىپ-قاتەرگە قارسى تۇرا الاتىن, جوعارى جاۋىنگەرلىك دايارلىعى بار زاماناۋي ارميا قۇرىپ, كاسىبي نەگىزگە كوشۋدى اياقتاۋ كەزەڭىندە تۇر.
– اقش قارۋلى كۇشتەرىنىڭ اسكەردى كاسىبيلەندىرۋدە جاقسى تاجىريبەسى بار. وسىعان بايلانىستى بىزگە كادر ساياساتىندا, پەرسونالداردى جيناۋ ادىسىندە, بيۋجەتتىك جوسپارلاۋ مەن الەۋمەتتىك قامتاماسىز ەتۋدىڭ ەرەكشەلىكتەرىن زەردەلەۋدە تاجىريبە الماسۋ قاجەت. ءسوز جوق, كەز كەلگەن قايتا ۇيىمداستىرۋ كادرلىق الەۋەتكە بايلانىستى جانە ءبىز ءۇشىن قازاقستاندىق اسكەري قىزمەتشىلەردى اقش-تىڭ وقۋ ورىندارىندا وقىتۋ ماڭىزدى. ءبىز امەريكالىق جانە قازاقستاندىق اسكەري وقۋ ورىندارىنىڭ ىنتىماقتاستىعىنا مۇددەلىمىز جانە اسكەري عىلىم سالاسىنداعى ءوزارا ءىس-قيمىلعا دايىنبىز, – دەدى ءا.جاقسىبەكوۆ.
ەكى ەل قورعانىس ۆەدومستۆولارىنىڭ باسشىلارى اسكەري-تەحنيكالىق ىنتىماقتاستىق, ونىڭ ىشىندە قورعانىس-ونەركاسىبى سالاسىنداعى قارىم-قاتىناستى دامىتۋ ماسەلەلەرىن دە تالقىلادى.
ءوز كەزەگىندە قازاقستان قورعانىس ءمينيسترى اقش-تىڭ قورعانىس مينيسترلىگى مەن قورعانىس-ونەركاسىبى كەشەندەرىنىڭ وكىلدەرىن «KADEX-2014» حالىقارالىق قارۋ-جاراق جانە اسكەري م ۇلىك كورمەسىنە قاتىسۋعا شاقىردى.
قورعانىس ءمينيسترى باستاعان قازاقستاندىق اسكەري دەلەگاتسيا General Atomic, Boeing Defense, OshKosh, Lockheed Martin, Sikorsky سياقتى اقش قورعانىس-ونەركاسىبى كەشەندەرىنە كىرەتىن جەتەكشى كومپانيالاردىڭ وكىلدەرىمەن كەزدەستى. ءا.جاقسىبەكوۆ ولارمەن بىرقاتار ەكىجاقتى كەزدەسۋلەر وتكىزىپ, ءوزارا ءتيىمدى ىنتىماقتاستىق ماسەلەلەرىن تالقىلادى.
سودان كەيىن ءا.جاقسىبەكوۆتىڭ قاتىسۋىمەن اقش ستراتەگيالىق جانە حالىقارالىق زەرتتەۋلەر ورتالىعىندا دوڭگەلەك ۇستەل ءوتىپ, اۋعانستاننان كواليتسيالىق كۇشتەر شىعارىلعاننان كەيىنگى بولۋى ىقتيمال وقيعالار ستسەناريى ماسەلەلەرى تالقىلاندى.
«ەگەمەن-اقپارات».
