ەكى جىل بۇرىن كانادادا باستالعان بالالار پورنوگرافياسىن اشكەرەلەۋ ءىس-شاراسى ناتيجەسىندە بۇگىن 340 ادام تۇتقىندالىپ وتىر. بۇل تۋرالى ريا «نوۆوستي» حابارلادى.
ءىس-شارا بارىسىندا كوپتەگەن مەكتەپ وقىتۋشىلارىنىڭ, دارىگەرلەر مەن ارتىستەردىڭ بالالار پورنوگرافياسىنا قاتىسى بار ەكەنى بەلگىلى بولىپ, زورلىق-زومبىلىققا ۇشىراعان 386 بالا قۇتقارىلدى. تۇتقىندالعانداردىڭ كوبىسى اقش پەن كانادا ازاماتتارى بولىپ شىقتى.
2011 جىلى كانادادا بالالار پورنوگرافياسىن اشكەرەلەۋ ءىس-شاراسى قولعا الىنىپ, تورونتو قالاسىندا «Azov Films» ينتەرنەت سايتى جابىلعان ەدى. بۇل سايت يەسىنە جىلىنا 4 ملن. دوللارعا جۋىق تابىس اكەلىپ جۇرگەن كورىنەدى. پوليتسيا دەرەگى بويىنشا, سايت يەسى – 42 جاسار برايان ۋەي ەسىمدى ازامات 5 پەن 12 جاس ارالىعىنداعى بالالاردىڭ جالاڭاش ءتۇسىرىلىمىن ۇيىمداستىرعان. تۇسىرىلىمدەر گەرمانيا, رۋمىنيا مەن ۋكراينا ەلدەرىندە جۇرگىزىلگەن.
ايدار ورىسباەۆ.
