قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسى تۇتىنۋشىلاردىڭ قۇقىقتارىن قورعاۋ اگەنتتىگى تۋرالى

قازاقستان رەسپۋبليكاسى تۇتىنۋشىلاردىڭ قۇقىقتارىن قورعاۋ اگەنتتىگى تۋرالى

قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس قاۋلى ەتەمىن:

1. قازاقستان رەسپۋبليكاسى دەنساۋلىق ساقتاۋ مينيسترلىگى قازاقستان رەسپۋبليكاسى تۇتىنۋشىلاردىڭ قۇقىقتارىن قورعاۋ اگەنتتىگىن (بۇدان ءارى – اگەنتتىك) ءبولۋ جولىمەن وعان:

1) قازاقستان رەسپۋبليكاسى باسەكەلەستىكتى قورعاۋ اگەنتتىگىنەن (مونوپولياعا قارسى اگەنتتىك) – تۇتىنۋشىلاردىڭ قۇقىقتارىن قورعاۋ;

2) قازاقستان رەسپۋبليكاسى دەنساۋلىق ساقتاۋ مينيسترلىگىنەن – حالىقتىڭ سانيتاريالىق-ەپيدەميولوگيالىق سالاماتتىلىعى;

3) قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنەن – تۇتىنۋشىلارعا وتكىزىلەتىن ونىمدەر مەن كورسەتىلەتىن قىزمەتتەر بويىنشا تەحنيكالىق رەگلامەنتتەرمەن جانە نورماتيۆتىك قۇجاتتارمەن بەلگىلەنگەن تالاپتاردىڭ ساقتالۋىن, سونداي-اق تاعام ونىمدەرىن وتكىزۋ ساتىسىندا ونىڭ قاۋىپسىزدىگى سالاسىن باقىلاۋدى جانە قاداعالاۋدى جۇزەگە اسىرۋ سالاسىنداعى فۋنكتسيالار مەن وكىلەتتىكتەر بەرىلە وتىرىپ, قايتا ۇيىمداستىرىلسىن.

2. قازاقستان رەسپۋبليكاسىنىڭ ۇكىمەتى:

1) قازاقستان رەسپۋبليكاسى دەنساۋلىق ساقتاۋ مينيسترلiگiنىڭ مەملەكەتتىك سانيتاريالىق-ەپيدەميولوگيالىق قاداعالاۋ كوميتەتiن (بۇدان ءارى – كوميتەت) تاراتسىن;

2) تاراتىلاتىن كوميتەتتىڭ جانە جوعارىدا كورسەتىلگەن مەملەكەتتىك ورگانداردىڭ ءتيىستى شتات سانىن جاڭادان قۇرىلعان اگەنتتىككە بەرۋدى قامتاماسىز ەتسىن;

3) تاراتىلاتىن كوميتەتتىڭ قۇقىقتارى مەن مىندەتتەرى بويىنشا اگەنتتىكتى قۇقىقتىق ميراسقورى دەپ بەلگىلەسىن;

4) اگەنتتىكتى تۇتىنۋشىلاردىڭ قۇقىقتارىن قورعاۋ جانە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى ورگان دەپ بەلگىلەسىن, سونداي-اق وعان تۇتىنۋشىلاردىڭ قۇقىقتارىن قورعاۋ جانە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتۋ بويىنشا مەملەكەتتىك ورگانداردى سالاارالىق ۇيلەستىرۋدى جۇزەگە اسىرۋ جونىندەگى فۋنكتسيالار بەرىلسىن;

5) 2013 جىلدىڭ سوڭىنا دەيىن تۇتىنۋشىلاردىڭ قۇقىقتارىن قورعاۋ سالاسىنداعى مەملەكەتتىك ساياساتتىڭ نەگىزگى باعىتتارىن جەتىلدىرۋ بويىنشا ۇسىنىستار تۇجىرىمداسىن;

6) وسى جارلىقتى ىسكە اسىرۋ جونىندەگى وزگە دە قاجەتتى شارالاردى قابىلداسىن.

3. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى №6 جارلىعىنا مىناداي تولىقتىرۋ ەنگىزىلسىن:

1-تارماق مىناداي مازمۇنداعى جولمەن تولىقتىرىلسىن:

«قازاقستان رەسپۋبليكاسى تۇتىنۋشىلاردىڭ قۇقىقتارىن قورعاۋ اگەنتتىگى».

4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن.نازارباەۆ.

استانا, اقوردا, 2013 جىلعى 13 قاراشا. № 691