جەلىدە قازاقستاندا قاشىقتان وقىتۋ فورماتى 2021-2022 وقۋ جىلىنا ۇزارتىلادى دەگەن قاۋەسەت تارادى. ءبىلىم جانە عىلىم مينيسترلىگى بۇل اقپاراتتى جوققا شىعاردى.
ۆەدومستۆودا اتاپ وتكەندەي, ءبىرىنشى توقسان 5 قاراشادا اياقتالادى. كارانتين جاعدايىندا سانيتارلىق تالاپتار بويىنشا وقۋشىلار قاشىقتىقتان وقيدى. اتا-انالاردىڭ تىلەكتەرىن ەسكەرە وتىرىپ, 1-4 سىنىپ وقۋشىلارى ءۇشىن كەزەكشى سىنىپتار جۇمىس ىستەيدى. ءبىر سىنىپتا وقيتىن وقۋشى سانى 15-تەن اسپاۋى ءتيىس.
"ەكىنشى توقسانعا قاتىستى ءبىز دەنساۋلىق ساقتاۋ مينيسترلىگىنىڭ شەشىمىن كۇتەمىز. باس سانيتارلىق دارىگەر ءتيىستى قاۋلى قابىلدايدى. دەنساۋلىق ساقتاۋ مينيسترلىگىنەن اقپارات العان سوڭ, بارلىق اتا - انالار مەن وقۋشىلاردى دەرەۋ حاباردار ەتەمىز", دەپ حابارلادى ءبىلىم مينيسترلىگىنىڭ ءباسپاسوز قىزمەتى.
