"بۇل ۆيرۋس قايدان شىققانىن بىلمەيمىز. نورۆەگيادا ۆيرۋستىڭ بۇل ءتۇرى بۇعان دەيىن بولماعان. حالىقارالىق بازالار بويىنشا دا ىزدەدىك, الايدا ول جەرلەردەن دە تابىلمادى", دەيدى دارىگەر.
جەرگىلىكتى اۋرۋحاناداعى ۆيرۋستىڭ ۇلگىلەرى نورۆەگيانىڭ قوعامدىق دەنساۋلىق ينستيتۋتىنا زەرتتەۋگە جىبەرىلدى. جاڭا ۆيرۋستىڭ ناقتى قاسيەتتەرى قانداي ەكەنى ءالى بەلگىسىز. ساراپشىلاردىڭ سوزىنشە, ونى تەز جۇقتىرىپ الۋ مۇمكىن, الايدا قانداي فورمادا وتەتىنى بەلگىسىز.
نورۆەگيادان كەلگەن حابارعا قاتىستى ويىن بىلدىرگەن رەسەيلىك اناتولي التشتەيننىڭ سوزىنشە, COVID-19 اداممەن بايلانىسسىز تارايدى دەپ ايتۋ ءالى ەرتە. ساراپشىنىڭ سوزىنشە, ول ەۋروپالىق ارىپتەستەرىنىڭ ناقتى عىلىمي ەسەبىمەن ءالى تانىس ەمەس.
"بىردەن ايتا كەتەيىن, نورۆەگيالىق ۆيرۋسولوگتاردىڭ جۇمىسىمەن تانىس ەمەمسپىن, "بايلانىسسىز جۇقتىرۋ" دەگەننىڭ نە ەكەنىن بىلمەيمىن. ۆيرۋستى تاسىمالداۋشى - ادام, ول ينفەكتسيانى باسقا ادامعا اۋا-تامشى جولدارى ارقىلى تاراتادى, مىسالى امانداسۋ ارقىلى بولۋى مۇمكىن", دەيدى دارىگەر.
