كورسەتىلگەن قىلمىستاردى جاساعانى ءۇشىن ءۇش ادام قىلمىستىق جاۋاپكەرشىلىككە تارتىلدى.
“اشىلعان قىلمىستاردى تالداۋ قىلمىستاردىڭ ماتەريالدىق-پايداكۇنەمدىك سيپاتقا يە ەكەندىگىن كورسەتەدى, قۇقىق بۇزۋشى جابىرلەنۋشىنىڭ مەملەكەتتىك تىركەۋ نومىرلىك بەلگىسىن الىپ كەتىپ, اۆتوكولىك يەسىنە الدىن الا دايىندالعان ەسەپشوتىنا اقشا سالۋدى تالاپ ەتىپ, ونىڭ ورنىنا ۇرلانعان ءنومىردى جاسىرعان جەرىن كورسەتەتىنىن جازىپ حات قالدىرادى. بۇل قۇقىق بۇزۋشىلىق قر قك-ءنىڭ 190-بابىمەن كوزدەلگەن قىلمىس رەتىندە دارەجەلەنەدى, ويتكەنى قول سۇعۋشىلىقتىڭ ءمانى – اۆتوكولىك يەلەرىنىڭ قۇقىق بۇزۋشىلاردىڭ ەسەپشوتتارىنا سالاتىن اقشاسى بولىپ تابىلادى, ال مەملەكەتتىك بەلگىلەردىڭ ءوزى قىلمىستىق قول سۇعۋشىلىقتىڭ وبەكتىسى رەتىندە قاراستىرىلمايدى, ويتكەنى ولار مەملەكەتكە تيەسىلى جانە ازاماتتارعا, اۆتوكولىك يەلەرىنە ۋاقىتشا پايدالانۋعا بەرىلەدى”, دەدى الماتى قالاسىنىڭ پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
777, GGG جانە ت.ب. سياقتى رەسمي تۇردە بىردەي ارىپتىك بەلگىلەرمەن نەمەسە ساندار تىزبەگىمەن ورنالاستىرىلعان, اقىلى نەگىزدە ساتىپ الىنىپ, تىركەلگەن مەملەكەتتىك تىركەۋ بەلگىلەرىن ۇرلاۋ باسقاشا سارالانادى.
“مۇنداي قىلمىستار قر قك-ءنىڭ 188- بابى 1-بولىگى, ياعني بوتەننىڭ مۇلكىن ۇرلاۋ رەتىندە تانىلادى, مۇنداي ۇرلىقتىڭ جىل باسىنان بەرى ءبىر فاكتىسى تىركەلگەن. كۇدىكتى انىقتالدى. سونىمەن قاتار ءبىز ازاماتتاردى قاسكۇنەمدەردىڭ جەتەگىنە ەرمەۋگە جانە دەرەۋ “102” پۋلتىنە حابار بەرۋگە شاقىرامىز”, دەدى ول.
