حالىقتىڭ بەلگىلەنگەن سانيتارلىق نورمالاردى ساقتاۋىن باقىلاۋ ءۇشىن وبلىستا 19 قالا مەن اۋدان بويىنشا 46 مونيتورينگتىك توپ قۇرىلدى. ولاردىڭ قۇرامىنا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارمالارىنىڭ ماماندارى, جەرگىلىكتى قۇقىق قورعاۋ جانە اتقارۋشى ورگانداردىڭ, سونداي-اق "اتامەكەن" ۇكپ قىزمەتكەرلەرى كىردى.
1 قازاننان باستاپ مونيتورينگتىك توپتاردىڭ جۇمىسى كۇشەيتىلىپ, شىعىس قازاقستان وبلىسىنىڭ اكىمدىگى, شقو پوليتسيا دەپارتامەنتى جانە تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىمەن كەلىسىلگەن قازان ايىنا جۇمىس كەستەسى ازىرلەندى.
1-18 قازان ارالىعىندا وبلىس بويىنشا 5123 نىسان قامتىلعان 412 رەيد جۇرگىزىلدى. ونىڭ ىشىندە 78 رەيد قوعامدىق كولىكتەر جانە كولىكتى دەزينفەكتسيالاۋ پۋنكتتەرى بويىنشا ۇيىمداسىرىلدى.
انىقتالعان سانيتارلىق ەرەجە تالاپتارى بويىنشا 90 ايىپپۇل سالىندى. مونيتورينگتىك توپتىڭ جۇمىسى جالعاسۋدا.
