17-18 قازان ارالىعىندا 206 مونيتورينگتىك ءىس-شارا ءوتتى. تەكسەرىس بارىسىندا جۇمىس رەجيمى بۇزىلعان 49 نىسان انىقتالدى, انىقتالعان بۇزۋشىلىقتار بويىنشا ماماندارمەن ءتۇسىندىرۋ جۇمىستارى جۇرگىزىلدى. 44 جەكە تۇلعا كارانتين شارالارىن بۇزعانى ءۇشىن اكىمشىلىك جاۋاپكەرشىلىككە تارتىلدى.
وسىلايشا, المالى اۋدانىنىڭ مونيتورينگتىك توبى 80 ادامدى تارتا وتىرىپ, "نۇر-ەل" مەيرامحاناسىندا سالتاناتتى, وتباسىلىق ءىس-شارانىڭ وتكىزىلۋىن انىقتاپ, جولىن كەستى. جيىنعا كەلگەن قوناقتارعا الماتى قالاسىنىڭ باس مەملەكەتتىك سانيتار دارىگەرىنىڭ قاۋلى نورمالارى جەتكىزىلدى, سودان كەيىن قوناقتار مەكەمەدەن كەتتى. سونداي-اق قىزمەتىنە ۋاقىتشا تىيىم سالىنعان نىساندار انىقتالدى: كومپيۋتەرلىك كلۋب, لوتو كلۋبى, "مەستو ۆسترەچي" بيليارد ورنى.
مونيتورينگتىك توپ اۋەزوۆ اۋدانىندا «ديادەما» مەيرامحاناسىندا 100 ادامعا ارنالعان توي, «امال» ءدامحاناسىندا 40 ادامعا ارنالعان جيىن, "كەرەمەت" مەيرامحاناسىندا 60 ادامعا ارنالعان توي وتكىزىلىپ جاتقانىن انىقتاپ, جولىن كەستى. وقيعا ورنىندا ءتۇسىندىرۋ جۇمىستارى جۇرگىزىلىپ, قر اكىمشىلىك قۇقىق بۇزۋشىلىق تۋرالى كودەكسىنىڭ 425-بابى بويىنشا حاتتامالار تولتىرىلدى. سونىمەن قاتار, ۋاقىتشا تىيىم سالىنعان مەكەمە - "ۋحو ي مەدۆەد" كاراوكە نىسانى انىقتالدى, سونىمەن بىرگە وندا ادامداردىڭ جاپپاي جينالۋى تىركەلدى.
الاتاۋ اۋدانىندا ءتارتىپ بۇزۋشىلىقتار كەلەسى نىسانداردا انىقتالدى: تجو, "Clesar Algabas" مونشاسى, "باعدات" دۇكەنى, "حان" ءدامحاناسى جانە ت. ب.
بوستاندىق اۋدانىندا "ريتتس كارلتون" قوناق ءۇيىنىڭ جانىنداعى مەيرامحانادا سالتاناتتى ءىس-شارا 45 ادامعا ارنالعان توي انىقتالدى.
تۇركسىب اۋدانىنداعى مونيتورينگتىك توپ قىزمەتىنە ۋاقىتشا تىيىم سالىنعان نىسان – "اتلانتيس" بيليارد كلۋبىن انىقتادى.
الماتى اكىمدىگى قالا تۇرعىندارىنا ءوزىنىڭ جانە وزگەلەردىڭ دەنساۋلىقتارىنا قاۋىپ توندىرمەۋگە-جاپپاي ورىندارعا بارماۋعا جانە بارلىق سانيتارلىق-ەپيدەميالىق تالاپتاردى: ماسكا رەجيمى, الەۋمەتتىك قاشىقتىق جانە ت. ب. قاتاڭ ساقتاۋعا شاقىرادى.
