نىسانداردىڭ ءبىرى – وليمپيادالىق رەزەرۆتىڭ سولتۇستىك قازاقستان سپورت-ينتەرنات-كوللەدجى. وندا تانىمال قازاقستاندىق سپورتشى الەكساندر ۆينوكۋروۆ وقىعانى بەلگىلى. جوبا اياسىندا عيماراتتىڭ شاتىرى مەن قابىرعالارى جىلىتىلىپ, جىلۋ پۋنكتى اۆتوماتتاندىرىلدى, جارىقتاندىرۋ بالالاردىڭ تۇرۋى مەن وقۋى ءۇشىن ۇنەمدى جۇيەمەن اۋىستىرىلدى.
كوكشەتاۋ قالاسىنداعى «Bilim-Innovation» ليتسەي-ينتەرناتىندا, دارىندى بالالارعا ارنالعان №3 وبلىستىق مەكتەپ-ينتەرناتىندا جانە ەرەكشە قاجەتتىلىكتەرى بار بالالارعا ارنالعان №1 تۇزەتۋ مەكتەبىندە دە عيماراتتاردى جاڭعىرتۋ بويىنشا قاجەتتى جۇمىستار جۇرگىزىلدى. ناتيجەسىندە جىلۋ مەن ەلەكتر ەنەرگياسىنىڭ شىعىندارىن 10-12%-عا ۇنەمدەۋ بايقالادى.
ءوز كەزەگىندە دۇنيەجۇزىلىك بانكتىڭ تۇراقتى وكىلى جان-فرانسۋا مارتو جەكەلەگەن مەردىگەرلەر مەن اكىمدىكتىڭ جۇمىستاردى قوسىمشا قارجىلاندىرۋ جونىندەگى جەكە باستاماسىن اتاپ ءوتتى. بىرلەسكەن كۇش-جىگەردىڭ ناتيجەسىندە عيماراتتار قازىر ەنەرگيا تيىمدىلىگىنىڭ بارلىق تالاپتارىنا جاۋاپ بەرەدى.
سونداي-اق ساپار قورىتىندىسى بويىنشا «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» اق باسقارما توراعاسىنىڭ ورىنباسارى سەرىك تۋرچەكەنوۆ «قازاقستاندا ەنەرگيا تيىمدىلىگىن ارتتىرۋ» جوباسى ەنەرگيا شىعىندارىن ۇنەمدەۋدى جانە ەنەرگيا تيىمدىلىگىن ارتتىرۋ جونىندەگى شارالاردىڭ قارجىلىق ومىرشەڭدىگىن كورسەتەتىنىن اتاپ ءوتتى. دۇنيەجۇزىلىك بانكتىڭ قولداۋى ارقىلى ءارتۇرلى ايماقتارداعى 80 الەۋمەتتىك نىسان جاڭعىرتۋدان ءساتتى ءوتتى.
«قازاقستاندا ەنەرگيا تيىمدىلىگىن ارتتىرۋ» جوباسى ەكى كومپونەنتتەن تۇرادى. بىرىنشىدەن, بۇل مەملەكەتتiك جانە الەۋمەتتiك ماڭىزى بار وبەكتiلەردىڭ ەنەرگيا تيىمدىلىگىن ارتتىرۋعا باعىتتالعان جۇمىستار. «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» اق ماماندارىنىڭ دەرەكتەرى بويىنشا ەنەرگيانىڭ ءتيىمدى دەڭگەيىنە ءوتۋ مۇمكىندىگىنە مەكتەپتەر, بالاباقشالار مەن اۋرۋحانالار يە بولدى. مەملەكەتتىك مەكەمەلەردى تاڭداۋ كونكۋرستىق نەگىزدە جۇرگىزىلدى.
