وبلىستا الەۋمەتتىك نىساندار قۇرىلىسىن جۇرگىزۋ بارىسىندا جەمقورلىق ارەكەتتەرى ورىن العان كورىنەدى. وبلىستىق قارجى پوليتسياسىنىڭ حابارىنا قاراعاندا, بيىلعى 10 ايدىڭ ىشىندە وسىنداي 7 زاڭ بۇزۋشىلىق انىقتالىپتى. مىسالى, قاشىر اۋدانى قۇرىلىس ءبولىمىنىڭ باسشىسى ەرلان باتىربەكوۆكە قاتىستى قىلمىستىق ءىس سوتتا قارالۋدا.
وبلىستا الەۋمەتتىك نىساندار قۇرىلىسىن جۇرگىزۋ بارىسىندا جەمقورلىق ارەكەتتەرى ورىن العان كورىنەدى. وبلىستىق قارجى پوليتسياسىنىڭ حابارىنا قاراعاندا, بيىلعى 10 ايدىڭ ىشىندە وسىنداي 7 زاڭ بۇزۋشىلىق انىقتالىپتى. مىسالى, قاشىر اۋدانى قۇرىلىس ءبولىمىنىڭ باسشىسى ەرلان باتىربەكوۆكە قاتىستى قىلمىستىق ءىس سوتتا قارالۋدا.شەنەۋنىكتىڭ تەرەڭكول اۋىلىنداعى 24 پاتەرلى تۇرعىن ءۇي قۇرىلىسىنا بايلانىستى كەلىسىمشارت بويىنشا ورىندالعان اكتىگە جالعان مالىمەتتەر ەنگىزگەنى انىقتالعان. ءسويتىپ, سەرىكتەستىكتەردىڭ بىرىنە نەگىزسىز ميلليون تەڭگەدەن ارتىق اقشا ءبولىپ جىبەرگەن كورىنەدى.
قارجى پوليتسەيلەرىنىڭ ايتۋىنشا, جوندەۋ جانە تۇرعىن ءۇي-كوممۋنالدىق شارۋاشىلىعى نىساندارىن قالپىنا كەلتىرۋ بويىنشا مەملەكەتتىك ساتىپ الۋلاردا دا زاڭ بۇزۋشىلىقتار كەزدەسكەن. ماسەلەن, لەبياجى اۋداندىق تۇرعىن ءۇي-كوممۋنالدىق شارۋاشىلىعى ءبولىمىنىڭ باسشىسىنا قاتىستى قىلمىستىق ءىس سوتتا قارالۋدا. ول اۋدان ورتالىعىنداعى اققۋ اۋىلىندا جىلۋ جەلىلەرىن قالپىنا كەلتىرۋ جۇمىستارىنىڭ ورىندالماعانىن بىلە تۇرا, قابىلداۋ جونىندەگى اكتىلەرگە جالعان مالىمەتتەر ەنگىزىپ, جشس ەسەبىنە 15 ميلليون تەڭگە بيۋدجەت قارجىسىن اۋدارىپ جىبەرگەن.
فاريدا بىقاي,
«ەگەمەن قازاقستان».
پاۆلودار وبلىسى.
