«كەنشىلەر» كومانداسىن بۇعان دەيىن باسقارعان رەسەيلىك مامان رۋسلان سۋلەيمانوۆ قىزمەتىنەن كەتكەننەن سوڭ, ونىڭ ورنىن وتانداسى الەكساندر سوكولوۆ باستى. 1995 جىلدان باستاپ باپكەرلىك قىزمەتىن اتقارىپ كەلە جاتقان 63 جاستاعى مامان «سارىارقا» جانكۇيەرلەرىنە جاقسى تانىس. ويتكەنى رەسەيلىك باپكەر 2017/2018 جىلعى ماۋسىمدا دا قاراعاندى كلۋبىن جاتتىقتىرعان.
سوكولوۆتىڭ باپكەرلىك قىزمەتىندەگى ەڭ تابىستى كەزەڭى دەپ 1998/1999 جىلعى حوككەي ماۋسىمىن ايتا الامىز. سول جىلى نيجنەكامسكىنىڭ «نەفتەحيميك» كومانداسىمەن بىرگە سۋپەرليگا چەمپيوناتىنىڭ (رەسەي بىرىنشىلىگى) پلەي-وفف كەزەڭىنە دەيىن جەتكەن. كەيىننەن جوعارى حوككەي ليگاسى مەن جاستار حوككەي ليگالارىندا ونەر كورسەتەتىن نيجنەكامسكىنىڭ «رەاكتور», كيروۆو-چەپەتسكتىڭ «وليمپيا», لەنينوگورسكىنىڭ «نەفتيانيك», پەنزانىڭ «ديزەليا» كوماندالارىن جاتتىقتىرعان. ال «سارىارقاعا» كەلگەنگە دەيىن سامارانىڭ تسسك ۆۆس كلۋبىنىڭ باس باپكەرى قىزمەتىن اتقاردى.
ايتا كەتەيىك, جوعارى حوككەي ليگاسىندا باق سىناعان «سارىارقا» كلۋبى پاندەمياعا بايلانىستى جحل-دان باس تارتىپ, قازاقستان چەمپيوناتىندا ونەر كورسەتۋگە شەشىم قابىلدادى.
