قوعام • 19 قازان, 2020

قاۋىپتى بەتپەردە تۋرالى اقپارات جالعان بولىپ شىقتى

620 رەت

كورسەتىلدى

1 مين

وقۋ ءۇشىن

جۋىردا بىرەۋ حالىقتى شوشىتىپ, الەۋمەتتىك جەلىلەرگە بىرەۋلەردىڭ ەستەن تاندىراتىن ەسىرتكىگە مالىنعان ماسكالار تاراتاتىنىن, ونى ءۇي-ىشىندەگى جانداردىڭ بارىنە تەگىن بەرەتىنىن, ال بەتپەردەنى كيگەن ادام ەسىنەن تانىپ قالاتىنىن, سول كەزدە سۋىق قولدىلار ۇيلەردى توناپ كەتەتىنىن جازعان بولاتىن. ارينە, اقىل-ەسى ءبۇتىن ادامدار مۇنداي بەتپەردەلەردىڭ بولمايتىنىن بىردەن سەزگەن. ويتكەنى, ەسىرتكى زاتتارىنىڭ ءوزى قىمبات, ونى ەشكىم ءۇي تونايمىن دەپ تەگىن تاراتپايدى. بىراق كوپتەگەن ادامدار مۇندايعا ەلەڭدەپ, ۇرەيلەنىپ تە قالادى.

جاقسىباي سامرات

قاۋىپتى بەتپەردە تۋرالى اقپارات جالعان بولىپ شىقتى

سقو پد ەسىرتكى قىلمىسىنا قارسى ءىس-قيمىل باسقارماسى بۇل اقپاراتتىڭ جالعان ەكەندىگىن ايتتى. مۇنداي بەتپەردەنىڭ تارالۋ فاكتىلەرى جانە اقپاراتتا سيپاتتالعان باسقا جاعدايلار تىركەلمەگەن.

"جالعان اقپارات تاراتقانى ءۇشىن زاڭنامادا قازاقستان رەسپۋبليكاسى قىلمىستىق كودەكسىنىڭ 274-بابى بويىنشا قىلمىستىق جاۋاپكەرشىلىك قاراستىرىلعانىن ەسكە سالامىز. ايتا كەتۋ كەرەك, قازىر ادامدار كوبىنەسە جالعان اقپاراتتى شىنايى جاڭالىقتاردان اجىراتا بىلەدى, بىراق سوعان قاراماستان, مۇنداي جالعان اقپارات حالىق اراسىندا دۇربەلەڭ تۋعىزۋى مۇمكىن", - دەيدى سولتۇستىك قازاقستان وبلىسى پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى رۋسلان نازاروۆ.

سولتۇستىك قازاقستان وبلىسى