ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىندە «شەۆرون» كومپانياسىنىڭ 2013-2014 وقۋ جىلى بويىنشا وسى ۋنيۆەرسيتەتتەگى تەحنيكالىق ماماندىقتارىنا ارنالعان ستيپەنديالىق باعدارلاماسىنىڭ جەڭىمپازدارىن سالتاناتتى تۇردە ماراپپاتاۋ ءراسىمى بولىپ ءوتتى.
ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىندە «شەۆرون» كومپانياسىنىڭ 2013-2014 وقۋ جىلى بويىنشا وسى ۋنيۆەرسيتەتتەگى تەحنيكالىق ماماندىقتارىنا ارنالعان ستيپەنديالىق باعدارلاماسىنىڭ جەڭىمپازدارىن سالتاناتتى تۇردە ماراپپاتاۋ ءراسىمى بولىپ ءوتتى.
وندا قازۇتۋ-دىڭ حالىقارالىق بايلانىس جانە وقۋ-ءادىستەمەلىك جۇمىس پرورەكتورى ءسارسەنبەك ءجۇسىپبەكوۆ «شەۆرون» كومپانياسىنا ءوز ريزاشىلىعىن ءبىلدىرە وتىرىپ, بۇگىنگى شاكىرتاقى يەگەرلەرىن قۇتتىقتاپ, ولاردىڭ بولاشاعىنا تابىس پەن جەتىستىكتەر تىلەدى.
ءراسىم بارىسىندا «شەۆرون» كومپانياسى ەۋرازيا بولىمشەسى باسقارۋشى ديرەكتورىنىڭ ورىنباسارى يمير بوننەر «شەۆروننىڭ» ۋنيۆەرسيتەتتەرمەن سەرىكتەستىك قۇرۋ باعدارلاماسىنىڭ قازاقستانداعى جۇزەگە اسۋى جانە كومپانيانىڭ وسى ەلدەگى قىزمەتى تۋرالى جينالعاندارعا كەڭىنەن اڭگىمەلەدى. سونىڭ ىشىندە قازۇتۋ-دىڭ 2007 جىلدان بەرى «شەۆرون» كومپانياسىمەن ىنتىماقتاستىق ورناتىپ كەلە جاتقاندىعىن ايتىپ ءوتتى. بيىل بۇل كومپانيا ۋنيۆەرسيتەتتەگى ەڭ ۇزدىك 92 ستۋدەنتتى تاڭداپ, ولارعا 31 تولىق جانە 61 جارتىلاي شاكىرتاقى تاعايىنداعان ەكەن.
جاس «ماماندار مەن بولاشاق ينجەنەرلەردىڭ الەۋەتىن تولىققاندى جۇزەگە اسىرۋلارىنا جاعداي جاساۋعا ءبىزدىڭ كومپانيامىزدىڭ ءبىلىم بەرۋ باعدارلامالارىندا ەرەكشە ءمان بەرىلگەن», – دەپ اتاپ ءوتتى يمير بوننەر ءوز سوزىندە.
كومپانيا الەمنىڭ ءتۇرلى ەلدەرىندەگى ەڭ ۇزدىك وقۋ ورىندارىمەن, سونىڭ ىشىندە اقش-تىڭ جەتەكشى تەحنيكالىق ۋنيۆەرسيتەتتەرىمەن تىعىز جۇمىس ىستەيدى. باعدارلاما اياسىندا «شەۆرون» ۋنيۆەرسيتەتتەرگە جاڭا وقۋ باعدارلامالارىن ەنگىزۋگە, ماتەريالدىق-تەحنيكالىق بازانى جاقسارتۋعا كومەكتەسەدى. سونداي-اق, ۇزدىك ستۋدەنتتەرگە گرانتتار مەن ستيپەنديالار بولەدى. ماسەلەن, سوڭعى جەتى جىلدىڭ ىشىندە قازۇتۋ-دىڭ ەڭ ۇزدىك دەگەن 358 ستۋدەنتىنە شاكىرتاقى بەرىلىپتى.
«ەگەمەن-اقپارات».
