1.قاسىم-جومارت كەمەل ۇلى توقاەۆ.
مەملەكەت باسشىسى قازاقستانداعى ەڭ ىقپالدىلاردىڭ كوش باسىندا تۇر. پرەزيدەنتتىڭ Twitter مەن Instagram جەلىسىندەگى رەسمي پاراقشالارىن ەسكەرە وتىرىپ جانە "حالىق ۇنىنە قۇلاق اساتىن مەملەكەت" ساياساتى نەگىزگە الىنعان. الەۋمەتتىك جەلىدە ەلدىڭ تۇكپىر-تۇكپىرىندەگى وقيعالاردان حاباردار ەكەنىن ايتپاي وتۋگە بولمايدى.
2.گەننادي گولوۆكين.
قازاقستاندىقتاردىڭ ماقتانىشى, بەدەلدى ءارى تەڭدەسسىز سپورت شەبەرى, جەكسەنبى كۇنى تاڭعى 6-دا جۇزدەگەن ادامدى ۇيقىسىنان تۇرعىزا الاتىن جانە ولاردى ورتاق ماقساتتا بىرىكتىرەتىن GGG-ءدى ەش كۇمانسىز وسى تىزىمگە قوسا الامىز.
3.ۆاديم بورەيكو.
ۆاديم بورەيكو – جۋرناليست, شولۋشى. YouTube ارناسىنداعى "گيپەربورەي" جوباسىنىڭ جۇرگىزۋشىسى, "كوك جايلاۋدى ساقتايىق" ەكولوگيالىق قوزعالىسىنىڭ بەلسەندى مۇشەسى بولۋىمەن كوپشىلىككە تانىمال. بۇدان بولەك, ول ءوز ارناسى ءۇشىن قوعام بەلسەندىلەرىنەن قىزىقتى ءارى تۇشىمدى وي ۇسىناتىن اۆتولىق جوبالار تۇسىرەدى.
4.ديماش قۇدايبەرگەن.
ديماش قۇدايبەرگەن قازاقستاننىڭ برەندىنە اينالدى. سەبەبى ول ءوز كۇشىمەن جاھانعا تانىلىپ, ەلىمىزدىڭ ابىرويىن ودان ءارى كوككە كوتەردى. ديماش – ناعىز ماقتان تۇتارلىق, ۇلكەن قۇرمەت پەن ناسيحاتتى قاجەت ەتەتىن تۇلعا دەر ەدىك.
5.مارعۇلان سەيسەمباەۆ.
مارعۇلان سەيسەمباەۆ ەلىمىزدەگى ەڭ بەدەلدى جانە تاجىريبەلى كاسىپكەرلەردىڭ ءبىرى. كاسىپكەر بيزنەستە جەتكەن جەتىستىكتەرى مەن قۇلدىراعان ساتتەرىن ەش بۇكپەسىز ايتىپ بەرەدى. ول سونىسىمەن دە ەرەكشەلەنەدى. اعىمداعى جىلدىڭ 31 تامىزىندا ول ۋكراينادا وتكەن "وفيسە پروستىح رەشەني ي رەزۋلتاتوۆ" اتتى جوبادا ميحايل سااكاشۆيليمەن بىرگە جۇمىس اتقاراتىنىن ايتىپ ءوتتى.
6.ايدىن راحىمباەۆ.
ايدىن راحىمباەۆ – كاسىپكەر, مەتسەنات جانە كوپبالالى جەتى بالانىڭ اكەسى. ول ەڭبەك پەن سپورتتى, سونداي-اق وتباسىلىق قۇندىلىقتاردى الدىڭعى ورىنعا قويادى. قاراپايىم اۋىل بالاسى بولىپ باستاعان كاسىپكەر, بۇگىندە ەلىمىزدەگى ەڭ باي ادامداردىڭ توپ-50-گىنە كىرەدى.
7.سكريپتونيت.
كىمدە-كىم وعان Instagram جەلىسىنە تىركەلسە, ونىڭ قازىرگى تاڭدا تاريحي وتانىنان تىس جەرگە قونىس اۋدارعانىن بىلەدى. ول الىستا بولسا دا, ەلدەگى ىشكى احۋالدى باقىلاپ وتىرادى. مىسالى, بىرنەشە جىل بۇرىن تۋعان جەرى پاۆلودار قالاسىنىنىڭ اكىمدىگىنە بۇزىلعان جولدار تۋرالى ۇندەۋ تاستاسا, ال وسىدان ءبىر اي بۇرىن ەلوردا اكىمدىگىنىڭ حالىقپەن كەرى بايلانىسقا شىقپايتىنىنا نارازىلىعىن بىلدىرگەن ەدى.
8.بەيبىت الىبەكوۆ.
قازاقستانداعى بلوگەرلەردىڭ ىشىندە ەڭ تانىمالى ءارى ءسوزى ءوتىمدىسى دەسەك تە بولادى. سەبەبى ونىڭ ءار جازعان پوستى جوعارى شەندىلەردىڭ نازارىنان تىس قالعان ەمەس. وسىعان وراي ونىڭ دەنساۋلىق ساقتاۋ ءمينيسترى الەكسەي تسويمەن, ءبىلىم جانە عىلىم ءمينيسترى اسحات ايماعامبەتوۆپەن جانە ۆەدومستۆونىڭ ۆيتسە-ءمينيسترى ميراس داۋلەنوۆپەن وتكىزگەن سۇحباتتارىن ەلەكتەن وتكىزۋگە كەلەدى.
9.دوسىم ساتپاەۆ.
ساياساتتانۋشى دوسىم ساتپاەۆ قازاقستاندا بولىپ جاتقان ماڭىزدى وقيعالارعا جەدەل ارەكەت ەتىپ, كاسىبي تۇرعىدان كورشى ەلدەردەگى ساياسي ناۋقاندارعا تۇسىنىكتەمە بەرەدى. ول ءاردايىم پايىمدى وي قوزعايدى.
10.نۇرتاس ادامباي.
شوۋ-بيزنەستەگى ادامداردىڭ قوعامداعى ءرولىن ايقىنداپ بەرگەن ازامات. ول الەۋمەتتىك جەلىلەردە تەك شىعارماشىلىمەن اينالىسىپ قانا قويماي, الەۋمەتتى تولعاندىرىپ جۇرگەن ءبىرتالاي سۇراقتى كوتەرىپ, سوعان ءتيىستى جاۋابىن دا الا الادى.
11.قايرات قۇدايبەرگەن.
قايرات قۇدايبەرگەن – كاسىپكەر, قوعام قايراتكەرى, الماتى ءماسليحاتىنىڭ دەپۋتاتى. كاسىپكەر الەۋمەتتىك جەلىلەردە اۋقىمدى اۋديتورياعا يە بولا وتىرىپ, پروبلەمالاردى اتقارۋشى ورگاندارعا جەتكىزۋگە مۇمكىندىگى بار. ەڭ قۋانىشتىسى, قايرات قۇدايبەرگەننىڭ مۇرىندىق بولۋىمەن قوعامدىق ورىنداردا ەلەكتروندى تەمەكى مەن كاليان شەگۋگە زاڭ جۇزىندە تىيىم سالىندى.
12.الىشەر ەلىكباەۆ.
الىشەر ەلىكباەۆ قازاقستاندىقتاردىڭ ومىرىنە قالاي اسەرىن تيگىزىپ جاتقانىن ايتۋ قيىن. الايدا ول ءار سەنبىلىكتە "تيندەر دليا بەدنىح" ايدارىن الەۋمەتتىك جەلىلەردە بەلسەندى جۇرگىزىپ وتىرادى.
13.دجوحار ۋتەبەكوۆ.
دجوحار ۋتەبەكوۆ – وتە ساۋاتتى ازامات. ول قۇقىقتىق نورمالاردىڭ جيىنتىعىن جاقسى بىلەدى. كوبىنە-كوپ ونى Facebook جەلىسىنىڭ ادىلەتتىك داۋىسى دەپ اتاپ جاتادى. ويتكەنى, ول زاڭدى ورگانداردان گورى جەدەل اقپارات پەن كەڭەس بەرۋگە تىرىسادى.
14.نۇرلان سابۋروۆ.
ساۋالدامالاردىڭ ىشىنەن كوبى سابۋروۆتى تاڭداعان. ونىڭ ىقپالدى ەر ازاماتتاردىڭ قاتارىنا كىرۋى دە, وسى ازىلدەرى مەن ينتەرنەتتەگى بەلسەندىلىگىنىڭ ارقاسىندا.
15. ايسۇلتان سەيىتوۆ.
جاس رەجيسسەر, كليپمەيكەر تمد ەلدەرىنىڭ ورىنداۋشىلارى ءۇشىن كليپتەر تۇسىرەدى. ونىڭ جۇمىستارى جوعارى شەبەرلىكپەن ەرەكشەلەنەدى. ول سونىسىمەن دە رەسەيلىك جانە ۋكرايندىق شوۋ-بيزنەسەگى ەڭ تانىمال ءارى ەڭ قىمبات كليپمەيكەر.
