"17 قازاندا Facebook الەۋمەتتىك جەلىسىندە "اتىراۋ مۇناي وڭدەۋ زاۋىتى" جشس تاراپىنان شىعىپ جاتقان تۇتىنگە بايلانىستى ۆيدەو تاراعان ەدى. اتالعان دەرەك بويىنشا اتىراۋ وبلىسى بويىنشا ەكولوگيا دەپارتامەنتىنىڭ قىزمەتكەرلەرى سول كۇنى وقيعا ورنىنا بارىپ, كاسىپورىننىڭ سانيتارلىق-قورعاۋ ايماعىنىڭ شەكاراسىندا اۋا سىناماسىن الدى. زەرتحانالىق تالداۋ ناتيجەسىنە سايكەس, كۇكىرتسۋتەگى, ازوت وكسيدى, ازوت ديوكسيدى, كومىرتەگى وكسيدى جانە كومىرسۋتەك مولشەرى رۇقسات ەتىلگەن شەكتى كونتسەنتراتسيادان اسقان جوق. سونىمەن قاتار "اتىراۋ مۇناي وڭدەۋ زاۋىتى" جشس-نە قاتىستى جوسپاردان تىس تەكسەرۋدى باستاۋ تۋرالى جۇمىس جۇرگىزىلۋدە. تەكسەرۋ ناتيجەلەرى تۋرالى قوسىمشا حابارلانادى", دەپ ءمالىم ەتتى ەكولوگيا دەپارتامەنتىنىڭ ءباسپاسوز قىزمەتى.
