الماتىدا كارانتين شارالارىنىڭ ساقتالۋىن باقىلاۋ بويىنشا تەكسەرۋ شارالارى جالعاسۋدا. باستى مىندەت – كوروناۆيرۋس ينفەكتسياسىنىڭ تارالۋ قاۋپىن ازايتۋعا باعىتتالعان سانيتارلىق-ەپيدەميالىق تالاپتاردىڭ ساقتالۋىن قامتاماسىز ەتۋ. ونىڭ قۇرامىنا اۋدان اكىمدىكتەرىنىڭ, جەرگىلىكتى پوليتسيا قىزمەتىنىڭ, تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارمالارىنىڭ, كاسىپكەرلەر پالاتاسىنىڭ ماماندارى كىرەتىن 26 مونيتورينگتىك توپ كۇندەلىكتى تەكسەرۋ ءىس-شارالارىن جۇرگىزۋدە.
بيىلعى 17 قازان كۇنى ساعات 20.51-دە مەدەۋ اۋدانىنىڭ مونيتورينگتىك توبى "قازاقستان" قوناق ءۇيىنىڭ "Ball room" زالىندا (جەرتولە قاباتى) ۇيلەنۋ تويىن انىقتاپ, جولىن كەستى. وعان 80-گە جۋىق ادام جينالعان. بارلىعى عيماراتتان شىعارىلىپ, ءتيىستى شارالار قابىلداندى. ءىس-شارا قوناقتارىنا الماتى قالاسىنىڭ باس مەملەكەتتىك سانيتار دارىگەرىنىڭ قاۋلى نورمالارى جەتكىزىلدى.
سونىمەن قاتار, 17 قازاندا اۋەزوۆ اۋدانىندا ساعات 17:05-تە ءموبيلدى توپ ء"ىنجۋ" (اقساي 3, 14ا) مەيرامحاناسىندا كوپشىلىكتىڭ قاتىسۋىمەن ءوتىپ جاتقان شارانى (قۇدالىق) انىقتادى: ءبىرىنشى قاباتتا 40 ادامعا, ەكىنشى قاباتتا - 50 ادامعا وتكىزىلگەن. ساعات 17:45-تە رەيدتىڭ ءموبيلدى توبى شامگون قاجىعاليەۆا,15 مەكەنجايى بويىنشا ورنالاسقان "ادەللينا" مەيرامحاناسىندا 50 ادامعا ارنالعان «قۇدالىقتى» انىقتادى. ءتۇسىندىرۋ جۇمىستارى جۇرگىزىلىپ, قر اكىمشىلىك قۇقىق بۇزۋشىلىق تۋرالى كودەكسىنىڭ 425-بابى بويىنشا حاتتامالار تولتىرىلدى.
جالپى, بيىلعى 8-16 قازان ارالىعىندا مونيتورينگتىك توپتاردىڭ جۇمىسىمەن 1300-دەن استام نىسان قامتىلدى. ونىڭ ىشىندە 314-ىندە زاڭبۇزۋشىلىقتار انىقتالدى. الماتى قالاسى بمسد 15.08.2020 ج. №56 قاۋلىسىنىڭ بۇزىلۋىنىڭ اراسىندا جۇمىسىنا ۋاقىتشا تىيىم سالىنعان كاسىپكەرلىك وبەكتىلەرىنىڭ قىزمەتى (تۇنگى كلۋبتار, كاراوكە, بۋكمەكەر كەڭسەلەرى, كومپيۋتەرلىك كلۋبتار, بيليارد كلۋبتارى), سونداي-اق ادامدار كوپ جينالاتىن سالتاناتتى, وتباسىلىق ءىس-شارالاردى (ۇيلەنۋ تويلارى, مەرەيتويلار, بانكەتتەر) وتكىزۋ. سونىمەن قاتار, سانيتارلىق-ەپيدەميالىق تالاپتاردىڭ بۇزىلۋىنا بايلانىستى جەكە تۇلعالارعا قاتىستى 35 اكىمشىلىك حاتتاما جاسالدى.
الەمدەگى ەپيدەميالىق جاعدايدىڭ ناشارلاۋىن ەسكەرە وتىرىپ, الماتى اكىمدىگى كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا كارانتين شارالارىن ساقتاۋدىڭ ماڭىزدىلىعىن ەسكە سالادى. قالا تۇرعىندارى مەن قوناقتارىن ماسكا رەجيمىن, الەۋمەتتىك قاشىقتىقتى قاتاڭ ساقتاۋعا, سونداي-اق ادامدار كوپ جينالاتىن ورىندارعا جانە جۇقتىرۋ قاۋپى جوعارى بولعاندىقتان قىزمەتىنە تىيىم سالىنعان مەكەمەلەرگە بارۋدان اۋلاق بولۋعا شاقىرادى. ءوز كەزەگىندە, بيزنەس سۋبەكتىلەرى سانيتارلىق-ەپيدەميالىق قاۋىپسىزدىكتىڭ بارلىق تالاپتارىنىڭ ورىندالۋىن قامتاماسىز ەتۋى قاجەت.
