وبلىستىق اكىمدىك تاراپىنان تاراز قالاسىنداعى مەكتەپتەرگە زەردەلەۋ جۇرگىزىلىپ, ناتيجەسىندە 8 مەكتەپتە سانيتارلىق تالاپتاردى ساقتاۋعا بايلانىستى بىرقاتار كەمشىلىكتەر انىقتالعان. اتالعان ماسەلەگە بايلانىستى وتكەن جيىندا وبلىس اكىمى بەردىبەك ساپارباەۆ كوبىندە دەزينفەكتسيالىق ءدالىز جۇمىس ىستەمەيتىنىن, كەيبىر سىنىپ كابينەتتەرىنىڭ كىرەبەرىسىندە دەزينفەكتسيالىق كىلەمشەلەر جوقتىعىن ايتقان بولاتىن. سونداي-اق, جاۋاپتى كەزەڭدە كەيبىر مەكتەپ ديرەكتورلارى جۇمىس ورنىندا بولماعان بولسا, كەيبىر مەكتەپتەردىڭ كىرەبەرىسىنە تۋرنيكەت ورناتىلماعان. بۇدان وزگە دە ولقىلىقتار بار. بەردىبەك ساپارباەۆ ەندى وسىنداي جاعدايلاردىڭ ورىن الماۋى ءۇشىن سانيتارلىق تالاپتاردى ساقتاۋ شارالارىن قاتاڭ قاداعالاۋدى تاپسىردى.
جيىندا وبلىس بويىنشا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ مىندەتىن اتقارۋشى نەيلا مۋليكوۆا تاعى دا كۇشەيتىلەتىن كارانتيندىك تالاپتاردىڭ تىزبەگىن ۇسىندى. ەندى قىرعىز جانە رەسەي مەملەكەتتەرىندە اۋرۋشاڭدىق ارتىپ وتىرعاندىقتان شەكاراداعى قاداعالاۋدى قاتاڭداتىپ, تاراز قالاسىنا تۇركىستان مەن الماتى وبلىستارىنان كىرەتىن شەكاراعا بلوك-بەكەتتەر ورناتىلادى. سونداي-اق, سانيتارلىق تالاپتار ساقتالماي وتىرعان مال بازارىنىڭ دا جۇمىسىن توقتاتۋ كەرەكتىگى ايتىلدى. وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ كوروناۆيرۋستىڭ ەكىنشى تولقىنىنا ازىرلىك جايلى ايتىپ, «سق-فارماتسيا» جاۋاپكەرشىلىگى شەكتەۋلى سەرىكتەستىگىنىڭ وبلىس بويىنشا وكىلى ايجان تورتاەۆا قاجەتتى ءدارى-دارمەكتەر جەتكىلىكتى ەكەنىن مالىمدەدى.
