اقپارات جانە قوعامدىق دامۋ ءمينيسترى ايدا بالاەۆانىڭ قاتىسۋىمەن "دوستىق ۇيىندە" وتكەن القالى جيىنعا "ەگەمەن قازاقستان" رەسپۋبليكالىق گازەتى" اق باسقارما توراعاسى دارحان قىدىرالى, قازاقستان جازۋشىلارى وداعىنىڭ توراعاسى ۇلىقبەك ەسداۋلەت, الماتى وبلىسى اكىمىنىڭ ورىنباسارى رۋستام ءالي, «قىزىل قار» رومانىنىڭ اۆتورى جۇماباي شاشتاي ۇلى, ادەبيەتتانۋشى عالىم, پروفەسسور ايگۇل ىسىماقوۆا, بىرقاتار رەسپۋبليكالىق بۇقارالىق اقپارات قۇرالدارىنىڭ باسشىلارى مەن دۋلات يسابەكوۆ, سماعۇل ەلۋباي سىندى بەلگىلى جازۋشىلار, عالىمدار جانە باسقا دا شىعارماشىلىق زيالى قاۋىمنىڭ وكىلدەرى قاتىستى.
باسقوسۋدى كىرىسپە سوزبەن اشقان ايدا عالىمقىزى كەزىندە "رەپرەسسياعا ۇشىراعان" كىتاپتىڭ تاۋەلسىزدىكتىڭ ارقاسىندا وقىرمانىمەن قايتا قاۋىشۋى ماڭىزدى جاڭالىق ەكەنىنە توقتالدى.
سونداي-اق, مينيستر, ومىرىندە دە, كوركەم ادەبيەتتە دە جۇماباي شاشتاي ۇلى شىنايى پوزيتسيانى ۇستاناتىن ازامات, سونىمەن بىرگە ەل جۋرناليستيكاسىنىڭ دامۋىنا ءوز ۇلەسىن قوسقان جۋرناليست ەكەندىگىن اتاپ ءوتتى.
«قىزىل قار» اتتى دەبيۋتتىك شىعارماسى سوناۋ كەڭەس ءداۋىرى كەزەڭىندە جازىلىپ, سول تۇستاعى جوعارى سىندىلاردىڭ سىنىنا ىلىككەنىن بىلەمىز», - دەدى ايدا بالاەۆا.
وتىز جىلدان كەيىن وقىرمانىمەن قاۋىشقان كىتاپتىڭ تۇساۋكەسەرىندە قازاقستان جازۋشىلارى وداعىنىڭ توراعاسى ۇلىقبەك ەسداۋلەت, جازۋشى سماعۇل ەلۋباي, ادەبيەتتانۋشى عالىم ايگۇل ىسىماقوۆالار ءسوز الىپ, جازۋشى جۇماباي شاشتاي ۇلىنىڭ شىعارماشىلىعى تۋرالى شىنايى تولعادى.
«قىزىل قار» رومانى جۋىق ارادا كىتاپحانالار مەن كىتاپ دۇكەندەرىنە جەتكىزىلەتىن بولادى.
الماتى
