كونفەرەنتسياعا قاتىسۋشىلار زارقىن تايشىبايدىڭ سولتۇستىكتە جۋرناليستيكا مەكتەبىنىڭ نەگىزىن قالاپ قانا قويماي, عىلىمي ىزدەنىستەرمەن اينالىسقانىن دا اتاپ ءوتتى. وسى ۋاقىت ارالىعىندا ول 10 مونوگرافيا, 12 وقۋلىق, 250-گە تارتا ماقالا جازعان. "ەتنومادەني زەرتتەۋلەر" عىلىمي ورتالىعىن اشىپ, ابىلاي حان, اباي مەن ماعجان ءومىرى مەن شىعارماشىلىعىنا ارنالعان قۇندى ەڭبەكتەر جازعان. سونىمەن قاتار ول 5-7-سىنىپ وقۋشىلارىنا ارنالعان "ولكەتانۋ" وقۋلىعىنىڭ اۆتورى. الاشتانۋ باعىتىندا دا كوپ ەڭبەكتەنىپ, ولاردىڭ ەسىمدەرىنىڭ جاڭعىرۋىنا ەڭبەك سىڭىرگەن.
زارقىن سىزدىق ۇلىن مەرەيلى قىزمەتىمەن وبلىس اكىمى ق.اقساقالوۆتىڭ اتىنان ورىنباسارى عاني نىعىمەتوۆ, سقۋ رەكتورىنىڭ مىندەتىن اتقارۋشى نۇرلان بايىمبەتوۆ, وبلىستىق ارداگەرلەر كەڭەسىنىڭ توراعاسى ەسكەندىر ەلەۋسىزوۆ, فيلولوگيا عىلىمدارىنىڭ دوكتورى باۋىرجان جاقىپ, ءال-فارابي اتىنداعى قازاق ۇلتتىق ۋنيۆەرسيتەتىنىڭ دەكانى ساعاتبەك مەدەۋبەك ۇلى جانە تاعى باسقالارى قۇتتىقتاپ, ارقاسىنا شاپان جاپتى.
ز. تايشىباي قازىر قازاقستانعا ەڭبەك سىڭىرگەن قايراتكەر, پروفەسسور. وسى كونفەرەنتسيادا وعان قازاقستان جوعارى مەكتەپتەرى اكادەمياسىنىڭ اكادەميگى اتاعى بەرىلگەنى جاريا ەتىلدى. ءىس-شارانى ۋنيۆەرسيتەتتىڭ پرورەكتورى اقمارال ىبىراەۆا جۇرگىزىپ وتىردى.
پەتروپاۆل
