ماسەلەن, ۋەفا كۇنى كەشە ۇلتتار ليگاسى اياسىندا وتكەن ماتچتارعا جانكۇيەرلەردىڭ كىرۋىنە رۇقسات بەردى. تەك جانكۇيەرلەردىڭ سانى 30 پايىزدان اسپاۋى كەرەك دەگەن شارتپەن. فۋتبول جانكۇيەرلەرى ستاديونعا ورالعان سوڭ, وزگە سپورت تۇرلەرىنىڭ باسشىلارى دا سپورتتىق جارىستارىن جانكۇيەرلەردىڭ قاتىسۋىمەن وتكىزۋدى جوسپارلاپ وتىر. ونىڭ ىشىندە ارالاس جەكپە-جەك سپورتى دا بار.
24 قازاندا ءباا-ءنىڭ «جاۋىنگەرلەر ارالىندا» كەزەكتى UFC 254 دوداسى وتەتىنى بارشاعا ءمالىم. وسىعان وراي UFC سپورتىنىڭ تاياۋ شىعىستاعى ماركەتينگ ديرەكتورى راشيد ءال-سايد قازىرگى تاڭدا اتالعان باسەكەگە جانكۇيەرلەردى كىرگىزۋ بويىنشا كەلىسسوز جۇرگىزىپ جاتقانىن مالىمدەدى. ءتۋرنيردىڭ باستى جەكپە-جەگىندە رەسەيلىك حابيب نۋرماگومەدوۆ پەن امەريكالىق دجاستين گەتجي ايقاسادى. سونىمەن قاتار سول كەشتە قازاقستاندىق سپورتشىلار شاۆكات راحمونوۆ پەن سەرگەي موروزوۆ UFC-داعى دەبيۋتتى ايقاسىن وتكىزەدى.
