اۋىل تۇرعىندارىن قولداۋ ماقساتىندا اۋىل شارۋاشىلىعى كووپەراتيۆتەرىنىڭ اينالىم قارجىلارى مەن اۋىل شارۋاشىلىعى تەحنيكالارىنا 1 ملرد 271 ملن تەڭگە نەسيە 5 پايىزبەن بەرىلگەن.
جالپى, «جامبىل وبلىسى تۇرعىندارىنىڭ تۇرمىستىق تابىسىن ارتتىرۋ» جوباسىنا وبلىستىڭ 10 اۋدانىنان 11 قاناتقاقتى اۋىلدىق وكرۋگ ەنگەن. مۇنداعى 25 ەلدى مەكەندەگى 8 564 اۋلانىڭ 2 478 تۇرعىنى مەن 11 كووپەراتيۆ مۇشەلەرى نەسيە العان. اتالعان جوبانىڭ ءبىرىنشى باعىتى – ءۇي ىرگەسىندەگى جەردى ءتيىمدى پايدالانۋ. وسى ماقساتتا 125,9 ملن تەڭگەگە 11 اۋىل شارۋاشىلىعى كووپەراتيۆى قارجىلاندىرىلعان. سونىمەن قاتار, 16 جىلىجايعا 138,1 ملن تەڭگە بولىنگەن. سول سياقتى, اۋلادا مال شارۋاشىلىعى مەن قۇس شارۋاشىلىعىن دامىتۋ بويىنشا ەكىنشى باعىتقا 6 ملرد 905 ملن تەڭگە ءبولىنىپ, وعان 44 850 باس مال ساتىپ الىنعان. ال, جوبانىڭ تۇرعىنداردىڭ اۋىل سىرتىنداعى جەرلەرىن ءتيىمدى پايدالانۋ سىندى ءۇشىنشى باعىتى بويىنشا 10 325 مىڭ گەكتار اۋىل سىرتىنداعى ەگىستىك جەرلەردى يگەرۋ ءۇشىن 230,1 ملن تەڭگە بولىنگەن. ءتورتىنشى باعىت – اۋىل شارۋاشىلىعى كووپەراتيۆتەرىنە قاجەتتى قۇرال-جابدىقتار, قوندىرعىلار مەن تەحنيكالار ساتىپ الۋ ءۇشىن 191 دانا تەحنيكاعا 1 ملرد 006,4 ملن تەڭگە قاراستىرىلعان. سونداي-اق اۋىل تۇرعىندارىنىڭ جەكە كاسىبىن اشۋ سياقتى بەسىنشى باعىت بويىنشا 12 جوباعا 64,7 ملن تەڭگە بولىنگەن. جالپى, بۇگىنگى تاڭدا ىسكە اسىرىلىپ وتىرعان 5 باعىت بويىنشا ءۇي ىرگەسىنەن 5 182 توننا كوكونىس وندىرىلگەن. ونىڭ ىشىندە 1 912,2 توننا قىزاناق, 1 024,9 توننا قيار, 41,7 توننا سارىمساق, 1 858 توننا كارتوپ, 180 توننا پياز, 129 توننا جۇگەرى, 89,5 توننا قىرىققابات, 105 توننا ءسابىز, 224 توننا قاۋىن, 134,4 توننا قاربىز جانە 493 توننا جوڭىشقا بار. سونىمەن قاتار شاعىن 16 جىلىجايدان 16,3 توننا كولەمىندە ءونىم جينالعان. ال مال شارۋاشىلىعىنان 2 808,9 توننا ەت, ءسۇت ونىمدەرى الىنسا, اۋىل سىرتىنداعى جەرلەردى يگەرۋدەن 17 988 توننا ءداندى داقىلدار جينالعان. ونىڭ ىشىندە 5 995 توننا ارپا, 1 253 توننا بيداي, 10 460 توننا كوپجىلدىق ءشوپ جانە 280 توننا جۇگەرى بار. جەكە كاسىپ باعىتىنداعى اشىلعان تسەحتاردا 16,3 توننانىڭ ونىمدەرى وندىرىلگەن. ماسەلەن, شۇجىق تسەحى 0,4 توننا, ارا بالى ءوندىرىسى 2,2 توننا, كونديتەرلىك تسەح 5,7 توننا جانە ناۋبايحانا 8 توننا ءونىم وندىرگەن. جالپى, ورتاشا ەسەپپەن العاندا, اتالعان قاناتقاقتى وكرۋگتەردە شامامەن 11,5 ملرد تەڭگەنىڭ ءونىمى ءوندىرىلدى.
جوبانىڭ ىسكە اسىرىلۋى بارىسىندا وتكەن جىلمەن سالىستىرعاندا ەكونوميكالىق تيىمدىلىگى ارتقان. ماسەلەن, بىلتىر ءبىرىنشى باعىت بويىنشا بارلىق پيلوتتىق اۋىلدىق وكرۋگتەردەگى 5 353 اۋلا 603 گەكتار جەرگە قامتىلسا, بيىل 932 گەكتار ءۇي ىرگەسىندەگى 7 856 اۋلا قامتىلدى. ياعني اۋلا 147 پايىزعا, جەر 155 گەكتارعا ۇلعايدى. ەكىنشى باعىت بويىنشا وتكەن جىلى پيلوتتىق وكرۋگ تۇرعىندارىنىڭ مال باسى 164 918 باس بولسا, بيىل 204 486 باسقا دەيىن كوبەيگەن. ال ءۇشىنشى باعىت بويىنشا جوباعا قاتىسقان تۇرعىندار وتكەن جىلى 7 814 گەكتار اۋىل سىرتىنداعى جەرلەردى يگەرگەن بولسا, بيىلعى جوسپارعا سايكەس 10 مىڭ 325 گەكتار جەر ەگىلۋدە. ياعني بۇل 2 544 گەكتارعا كوبەيدى. سونداي-اق ءتورتىنشى باعىت بويىنشا 191 دانا جاڭا اۋىل شارۋاشىلىعى تەحنيكالارى ساتىپ الىنعان. سونىمەن قاتار جوبانىڭ ىسكە اسىرىلۋ بارىسىندا وتكەن جىلمەن سالىستىرعاندا جۇمىسسىزدار سانى 1 129 ادامنان 589 ادامعا دەيىن نەمەسە 48 پايىزعا ازايعان. جاڭادان 589 جۇمىس ورنى اشىلىپ, اتاۋلى الەۋمەتتىك كومەك الاتىن ادامدار 490 ادامعا نەمەسە 32 پايىزعا كەمىگەن. ياعني 1 539 ادامنان 1 049 ادامعا دەيىن كەمىگەن. ال ناتيجەسىز ءوزىن-ءوزى جۇمىسپەن قامتىعاندار سانى 640 ادامعا, ياعني 35 پايىزعا تومەندەگەن. سونداي-اق ءوزىن-ءوزى جۇمىسپەن قامتىعاندار مەن جۇمىسسىزدار ساناتىنداعى 2 238 ادام جەكە كاسىپكەر رەتىندە تىركەلگەن. جامبىل وبلىسى اكىمدىگىنىڭ مالىمەتىنشە, الداعى ۋاقىتتاردا اتالعان جوبادان جوعارى ناتيجەلەر كۇتىلۋدە. 2 478 وتباسىن, ياعني 13,6 مىڭ ادامدى تۇراقتى قوسىمشا تابىسپەن ايىنا قامتاماسىز ەتۋ كەلەسى جىلى 104 مىڭ تەڭگەگە, 2022 جىلى ايىنا 156 مىڭ تەڭگەگە, ال 2023 جىلدان باستاپ 200 مىڭ تەڭگەدەن جوعارىلايدى دەپ جوسپارلانعان. ال 2022 جىلى اۋىل شارۋاشىلىعى ءوندىرىسىنىڭ كولەمىن 4,3 ملرد تەڭگەدەن 9,3 ملرد تەڭگەگە دەيىن ۇلعايتۋ جوسپاردا بار. سونىمەن قاتار وندىرىلگەن ءونىمدى وتكەرۋ بويىنشا زاكىرلىك 13 قايتا وڭدەۋ ەت جانە ءسۇت كاسىپورىندارىنىڭ جۇكتەمەسىن 20-25 پايىزعا ارتتىرۋ جۇمىستارى جۇرگىزىلۋدە.
جامبىل وبلىسى
