14 قازاندا 53 نىسانعا مونيتورينگ جۇرگىزىلىپ, 13-ىندە بۇزۋشىلىقتار انىقتالدى. كوبىنە قوعامدىق تاماقتانۋ, ساۋدا ورىندارى, سۇلۋلىق سالوندارى, كومپيۋتەرلىك كلۋبتاردا ەرەجەلەر ساقتالمايدى. وندا ساتۋشىلار مەن كەلۋشىلەر قاشىقتىق پەن ماسكا تاعۋ ءتارتىبىن ەلەمەيدى. انتيسەپتيكتەر, دەزينفەكتسيا توسەنىشتەرى جوق, نىساننىڭ كىرەبەرىسىندە كەلۋشىلەر تەرمومەترياسى جۇرگىزىلمەيدى.
بارلىق بۇزۋشىلىقتار بويىنشا نۇر-سۇلتان قالالىق پوليتسيا باسقارماسى قىزمەتكەرلەرى حاتتاما تولتىرادى. كەيىن ماتەريالدار قاراۋ جانە اكىمشىلىك شارالار قولدانۋ ءۇشىن نۇر-سۇلتان قالالىق تقسقبد اۋداندىق بولىمدەرىنە جىبەرىلەدى.
ەلوردادا سەگىز ءموبيلدى توپ جۇمىس ىستەيدى. 5 شىلدەدەن باستاپ 1973 نىسانعا مونيتورينگ جۇرگىزىلدى. ونىڭ ىشىندە تاماقتانۋ ورىندارى – 873, كوممۋنالدىق قىزمەتتەر – 276, بالاباقشالار – 50, مەكتەپتەر – 130, دەنساۋلىق ساقتاۋ – 50, ساۋدا – 390, وندىرىستىك – 4, ءوندىرىس – 79, باسقا نىساندار (كومپيۋتەرلىك كلۋب, بيليارد, لوتەرەيا كلۋبى, ينتەرنەت كلۋب, كينوزال, كاليان بار, گۇل دۇكەنى, فيتنەس جانە ت.ب.) – 117 جانە بىرقاتار الەۋمەتتىك نىساندار تەكسەرىلدى.
634 جەكە, لاۋازىمدى جانە زاڭدى تۇلعالار جالپى سوماسى 138 781 098 تەڭگەگە اكىمشىلىك جاۋاپكەرشىلىككە تارتىلدى.
