2020 جىلعى 12-15 قازان ارالىعىندا وبلىس اۋماعىندا “قارۋ” جەدەل پروفيلاكتيكالىق ءىس-شاراسى وتكىزىلۋدە.
اتالعان ءىس-شارانىڭ نەگىزگى ماقساتى – اتىس قارۋىن قولدانا وتىرىپ جاسالاتىن قىلمىستاردى اشۋ, الدىن الۋ, جولىن كەسۋ, وق-دارىلەردى جانە جارىلعىش زاتتاردى زاڭسىز ساقتاۋمەن, دايىنداۋمەن اينالىساتىن ادامدار مەن ۇيىمداسقان قىلمىستىق توپتاردى انىقتاۋ, سونداي-اق قارۋ, وق-دارىلەردى زاڭسىز ساقتاۋ جانە ساتۋ دەرەكتەرىن انىقتاۋ بولىپ تابىلادى.
ءىس-شارا بارىسىندا ءتارتىپ ساقشىلارى سارىاعاش اۋدانىندا تۇراتىن 219 قارۋ يەسىن تەكسەرىپ, 12 قارۋ يەسىنە قاتىستى قارۋدى ساقتاۋ ەرەجەسىن بۇزعانى ءۇشىن اكىمشىلىك حاتتاما تولتىردى.
سونىمەن قاتار زاڭسىز ساقتالعان 2 ۇڭعىلى 16 كاليبرلى قارۋ تاركىلەنىپ الىندى. كەلەس اۋدانىندا قارۋدى ساقتاۋ تالاپتارىن بۇزعان 8 تۇلعا انىقتالىپ, ولارعا اكىمشىلىك ايىپپۇل سالىندى. ءىس-شارا بارىسىندا 5 ازامات اڭشى قارۋلارىن ەرىكتى تۇردە تاپسىردى.
