قازىرگى ۋاقىتتا ۇستەماقى الاتىنداردىڭ ءتىزىمىن وڭىرلەردەگى ارنايى كوميسسيا جاساقتاۋدا. ءتىزىم ۇسىنىلعاننان كەيىن قور اي سايىنعى قوسىمشا ۇستەمەاقىلارىن تولەۋگە كىرىسەدى. بۇل جۇمىستاردى 15 قازانعا دەيىن اياقتاۋ جوسپارلانعان. نۇر-سۇلتان قالاسى بويىنشا ينفەكتسيا تاراعان قاۋىپتى جاعدايدا جۇمىسقا تارتىلعان مەديتسينا قىزمەتكەرلەرىنىڭ سانى ەپيدەميولوگيالىق جاعدايعا بايلانىستى اي سايىن وزگەرىپ وتىرادى. مىسالى, ناۋرىزدا كوروناۆيرۋسقا قارسى كۇرەس شارالارىنا 1,9 مىڭ مەديتسينا قىزمەتكەرى تارتىلسا, تامىز ايىندا ولاردىڭ سانى 5,5 مىڭعا دەيىن ءوستى.
ايعا ءبولىپ قاراستىرسا, ەلورداداعى كورسەتكىش مىناداي:
- ناۋرىز ايىندا 1 893 مەديتسينا قىزمەتكەرىنە 646 336 369 تەنگە ۇستەمەاقى;
- ساۋىردە – 3 222 مەديتسينا قىزمەتكەرىنە 1 108 272 721 تەڭگە ۇستەمەاقى;
- مامىردا – 2 393 مەديتسينا قىزمەتكەرىنە 1 120 295 593 تەڭگە ۇستەمەاقى;
- ماۋسىمدا – 5 900 مەديتسينا قىزمەتكەرىنە 2 062 650 339 تەڭگە ۇستەمەاقى;
- شىلدەدە – 6 945 مەديتسينا قىزمەتكەرىنە 3393 115 623 تەڭگە ۇستەمەاقى;
- تامىزدا – 5 513 مەديتسينا قىزمەتكەرىنە 1 915 665 654 تەڭگە ۇستەمەاقى تولەندى;
مەملەكەت باسشىسى 2020 جىلعى 1 قىركۇيەكتەگى قازاقستان حالقىنا جولداۋىندا COVID-19-عا قارسى كۇرەس اياسىندا ەپيدەميالىق شارالارعا تارتىلعان دەنساۋلىق ساقتاۋ ۇيىمدارىنىڭ قىزمەتكەرلەرىنە ەكىنشى جارتى جىلدىقتا ىنتالاندىرۋ ءۇشىن ۇستەمەاقى تولەۋگە 150 ملرد تەڭگە ءبولۋدى تاپسىرعان ەدى.
اتالعان تاپسىرمانى ورىنداۋ بارىسىندا قور وسى جىلدىڭ سوڭىنا دەيىن مەديتسينا قىزمەتكەرلەرىنە ۇستەماقى تولەۋ ءۇشىن قاجەتتى قارجىنىڭ بولجامدى ەسەبىن جاسادى. مەديتسينالىق ساقتاندىرۋ قورى پاندەميا كەزىندە قيىن جاعدايدا الدىڭعى شەپتە جۇرەتىن مەديتسينا قىزمەتكەرلەرىنە ۋاقتىلى ۇستەمەاقى تولەۋ جۇمىستارىن جالعاستىرا بەرەدى.
