ءىس-شاراعا تۇركيا رەسپۋبليكاسىنىڭ ساۋدا-ونەركاسىپ پالاتالارى مەن تاۋار بيرجالارى وداعىنىڭ قۇرامىنا كىرەتىن كومپانيالاردىڭ باسشىلارى قاتىستى.
كەزدەسۋ بارىسىندا قازاقستاندىق تاراپ وتاندىق اوك دامۋىنىڭ باسىم باعىتتارىن تانىستىردى. اتالمىش سالاعا مەملەكەتتىك جاعىنان جاسالىپ جاتقان قولداۋ شارالارى تۋرالى كەڭىنەن ايتىپ, ەلىمىزدىڭ اگروونەركاسىپ سالاسىنىڭ ينۆەستيتسيالىق تارتىمدى تۇستارىن تىلگە تيەك ەتتى.
اۋىل شارۋاشىلىعى ونىمدەرىن وتكىزۋدىڭ نەگىزگى الەمدىك نارىقتارىنا تىكەلەي قول جەتكىزۋدى قامتاماسىز ەتەتىن قازاقستاننىڭ ءتيىمدى گەوگرافيالىق ورنالاسۋى اتاپ ءوتىلدى.
كەزدەسۋ سوڭىندا مينيستر تۇرىك كاسىپكەرلەرىن ىنتىماقتاستىققا جانە اۋىل شارۋاشىلىعى مەن وڭدەۋ سالاسىنداعى بىرلەسكەن جوبالاردى ىسكە اسىرۋعا شاقىردى.
سونداي-اق, ساپارحان وماروۆ تۇركيا رەسپۋبليكاسىنىڭ اۋىل جانە ورمان شارۋاشىلىعى ءمينيسترى بەكير پاكدەميرليمەن كەلىسسوزدەر جۇرگىزىپ, ەكىجاقتى ىنتىماقتاستىق جانە اوك-دەگى قازاقستان-تۇركيا ينۆەستيتسيالىق جوبالارىن ىسكە اسىرۋ ماسەلەلەرى تالقىلاندى.
قر اشم باسشىسى تۇرىك ينۆەستورلارىنىڭ قاتىسۋىمەن ىسكە اسىرىلعان اوك-گى بىرقاتار تابىستى جوبالاردى, سونداي-اق قۇنى $500 ملن قۇرايتىن 13 جاڭا ينۆەستيتسيالىق جوبانى اتاپ ءوتتى.
"تۇركيا ءبىزدىڭ بۇرىننان كەلە جاتقان ستراتەگيالىق سەرىكتەسىمىز. ءبىز اۋىل شارۋاشىلىعى سالاسىنداعى ەكىجاقتى ىنتىماقتاستىقتى كەڭەيتۋگە جانە ءوزارا ءتيىمدى شارتتارمەن تاۋار اينالىمىنىڭ كولەمىن ارتتىرۋعا ۇلكەن ءمان بەرەمىز. ەكى ەل اراسىنداعى ساۋدانى ودان ءارى ارتتىرۋ وتە جوعارى الەۋەتكە يە", - دەپ اتاپ ءوتتى س.وماروۆ.
كەلىسسوزدەر بارىسىندا ساپارحان وماروۆ "KazBeef" جشس جانە "اقتوبە ەت كلاستەرى" جشس كومپانيالارىن اۋىل شارۋاشىلىعى ونىمدەرىن سەنىمدى ەكسپورتتاۋشىلار تىزىمىنە قوسۋ ماسەلەسىن قوزعاپ, تۇركيا ايتارلىقتاي تابىستارعا قول جەتكىزگەن ساۋدا-لوگيستيكالىق ينفراقۇرىلىمدى قۇرۋ, اۋىل شارۋاشىلىعى شيكىزاتىن قايتا وڭدەۋ, ساپالى جانە قولجەتىمدى ازىق-ت ۇلىك ونىمدەرىن ءوندىرۋ سالاسىندا قازاقستان ىنتىماقتاستىقتى دامىتۋعا مۇددەلى ەكەنىن ءبىلدىردى.
"قازاقستان تۇركيانىڭ توقىما ونەركاسىبىن, بىلعارى مەن ءجۇندى وڭدەۋدى دامىتۋداعى تاجىريبەسىن جوعارى باعالايدى. قازاقستاندىق تاراپ بىرلەسكەن جوبالاردى ىسكە اسىرۋعا مۇددەلى, ويتكەنى ەلىمىزدە شيكىزاتتىڭ جەتكىلىكتى كولەمى بار. سونداي-اق, اگرارلىق عىلىم سالاسىندا بىرلەسكەن زەرتتەۋلەر جۇرگىزۋ ءۇشىن تۇرىك عىلىمي-زەرتتەۋ ۇيىمدارىمەن تىعىز ىنتىماقتاستىق ورناتقىمىز كەلەدى", - دەدى ساپارحان وماروۆ.
