"15 تامىزدا ءبىز جەكە تۇرعىن ءۇي سەكتورىن ارالاۋدى باستادىق. شارا جىل سايىنعى جىلىتۋ ماۋسىمى باستالعانعا دەيىن ءورتتىڭ الدىن الۋ ماقساتىندا وتكىزىلەدى. تۇرعىنداردى ءورت قاۋىپسىزدىگى ەرەجەلەرىن كۇندەلىكتى ومىردە ساقتاۋ تۋرالى حاباردار ەتەمىز. پەشتەر مەن قۇبىرلاردى, ءتۇتىن مۇرجالارى مەن قۇدىقتاردى ۋاقىتىلى جانە دۇرىس تازارتۋ, سونداي-اق پەشتەردە كومىرقىشقىل گازى شىعاتىن جارىقتار بولماۋىن قاداعالاۋدى ەسكەرتەمىز. سونداي-اق اشىق سىمدارعا, بايلانىس قوراپتارىنىڭ بۇراندىلارىنا نازار اۋدارامىز. ەلەكتر سىمدارىنىڭ, ۇزارتقىش سىمداردىڭ شامادان تىس جۇكتەمەسىنە جول بەرمەۋ بويىنشا تۇسىنىكتەمە بەرەمىز", - دەدى سارىارقا اۋدانى توتەنشە جاعدايلار باسقارماسى باستىعى قۋانىش توقسارين.
سونىمەن قاتار جەرگىلىكتى اتقارۋشى ورگاندار مەن تجد قىزمەتكەرلەرى ازاماتتاردىڭ ۇيلەرىنە داتچيكتەر ورناتۋدا.
"توتەنشە جاعدايلار دەپارتامەنتىنىڭ جانە قالالىق شتابتىڭ وكىلدەرىمەن بىرگە كوكتال-1 شاعىن اۋدانىندا داتچيكتەر ورناتىپ جاتىرمىز. قازىر "سارىارقا" ايماعىندا توعىزىنشى داتچيك ورناتىلدى. شارا جىل سوڭىنا دەيىن جالعاسادى", - دەيدى نۇر-سۇلتان قالالىق جاستار ساياساتى ماسەلەلەرى باسقارماسى مامانى ءانۋار اقىلاەۆ.
"راقمەت, ءبىز قۋانىشتىمىز. بۇل بىزگە وتە پايدالى", - دەيدى جەكە سەكتور تۇرعىنى ءۇمىت جوراباەۆا.
ايتا كەتەيىك, شارا بارلىق سانيتارلىق نورمالارعا سايكەس وتكىزىلەدى. جالپى, 15 تامىزدان باستاپ رەيد اياسىندا 15 مىڭعا جۋىق ءۇي قامتىلدى. 191 كومىرتەك توتىعىنىڭ داتچيكتەرى ورناتىلدى.
