Nur Otan پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ, تۇركىستان وبلىسى مادەنيەت باسقارماسىنىڭ باسشىسى ءازىمحان قويلىباەۆ, ق.ا.ياساۋي اتىنداعى حقتۋ پرورەكتورى كامالبەك بەركىنباەۆ, پروفەسسور, ءدىنتانۋشى دوساي كەنجەتاي ۇلى جانە باق وكىلدەرى قاتىسقان سالتاناتتى شارا بارىسىندا كومپوزيتوردىڭ «تانىمال ءاننىڭ تاريحى» كىتابىنىڭ تۇساۋى كەسىلدى. كىتاپتا پروفەسسور, مادەنيەت قايراتكەرى, جاستار سىيلىعىنىڭ لاۋرەاتى, كومپوزيتور بەكجىگىت سەردالىنىڭ تانىمال اندەردىڭ اۆتورلارىن تاۋىپ الىپ, ءان تاريحىنا قاتىستى ءوز اۋىزدارىنان, كوز كورگەن زامانداستارىنىڭ ەستەلىكتەرىنەن جازىپ العان ەسسەلەرى توپتاستىرىلعان.
شىعارماشىلىق كەشكە كەلگەن قوناقتار ارنايى قۇتتىقتاۋ حاتتارىن تاپسىرىپ, سازگەرگە سىي-سياپات كورسەتتى. كەش سوڭىندا وبلىستىق مادەنيەت باسقارماسىنا قاراستى «وڭتۇستىك-فيلم» مەكەمەسى ازىرلەگەن «ومىردە دە, ونەردە دە سان قىرلى» اتتى فيلم كوپشىلىك نازارىنا ۇسىنىلدى.
تۇركىستان وبلىسى
