سونداي-اق 29 بالاباقشا (10 مەملەكەتتىك جانە 19 جەكەمەنشىك) تەكسەرىلدى.
بىرقاتار مەكتەپ الدى جانە جالپى ءبىلىم بەرەتىن مەكتەپتەردە بۇزۋشىلىقتار انىقتالىپ, كەمشىلىكتەر دەر كەزىندە رەتتەلدى.
ەسكە سالا كەتەيىك, ەلوردالىق بالاباقشالار كەزەكشى توپتار رەجيمىندە جۇمىسىن جالعاستىرۋدا. بۇگىندە ولاردىڭ 1649-ى مەملەكەتتىك جانە جەكە مەكەمەلەردە اشىلدى, جالپى كونتينگەنتى 25 مىڭعا جۋىق بالانى قۇرايدى.
"بارلىق نىساندار سانيتارلىق تالاپتارعا سايكەس جۇمىس ىستەيدى. بالالاردىڭ مەكتەپكە دەيىنگى ۇيىمعا بارۋى اتا-انانىڭ كەلىسىمى نەگىزىندە جۇزەگە اسىرىلادى. ول بولماعان جاعدايدا بالا كارانتين كەزەڭىندە مەكتەپكە دەيىنگى ۇيىمدا ءوز ورنىن ساقتايدى", - دەپ اتاپ ءوتتى ءبىلىم باسقارماسى.
سونداي-اق مەكتەپتەردە اتا-انالاردىڭ قالاۋى بويىنشا سانيتارلىق ەرەجەلەرگە سايكەس 1-4 سىنىپتار ءۇشىن كەزەكشى توپتار ۇيىمداستىرىلادى. بارلىعى ەلوردادا 3011 كەزەكشى سىنىپ بار, وعان 40 400 وقۋشى قابىلداندى.
كەزەكشى سىنىپتار قىزمەتى سانيتارلىق ەپيدەميولوگيالىق تالاپتاردى قاتاڭ ساقتاي وتىرىپ جۇزەگە اسىرىلادى. اتا-انالار بالالاردى وقۋ كۇنى باستالعانعا دەيىن مەكەمەنىڭ الدىڭعى ەسىكتەرىنە ەرتىپ بارادى جانە ساباق اياقتالعاننان كەيىن ولاردى كىرە بەرىستە قارسى الادى. الەۋمەتتىك اراقاشىقتىقتى ساقتاۋ ءۇشىن مەكتەپتەردە بەلگىلەر قويىلادى. سىنىپتار ءار ساباقتان سوڭ جەلدەتىلىپ, كۆارتسپەن وڭدەلەدى.
"بۇگىن №66 مەكتەپ-ليتسەيىنىڭ بارلىق سانيتارلىق تالاپتارعا ساي ەكەنى تەكسەرىلدى. بالالاردى قابىلداۋ كەزىنەن باستاپ دەزينفەكتسيالىق جۇمىستار جۇرگىزىلەتىنىن بايقادىق. ياعني بالالار قولدارىن انتيسەپتيكپەن وڭدەپ بارىپ, مەكتەپ قابىرعاسىنا كىرەدى. مەديتسينا قىزمەتكەرى دالىزدەن تەرمومەتريا جۇرگىزىلەدى. ونىڭ كورسەتكىشى تىركەلىپ وتىرادى. بالالار اراقاشىقتىقتى ساقتاپ, كابينەتتە وتىرادى. ءبىر توپتاعى سيىمدىلىق -15 ادامنان اسپايدى. ءاربىر كابينەتتىڭ الدىندا سانيتايزەر ورنالاستىرىلىپ, انتيسەپتيكتەر قۇيىلعان. مۇعالىمدەردىڭ بارلىعى ماسكا تاعۋ رەجيمىن ساقتاپ ءجۇر", - دەيدى №66 مەكتەپ ليتسەي ديرەكتورىنىڭ باستاۋىش سىنىپتار بويىنشا وقۋ-تاربيە جۇمىسى جونىندەگى ورىنباسارى جاننا جۋكەشباەۆا.
ء"ار بالا دالىزدە اراقاشىقتىقتى ساقتايدى, اركىم سۋ ىشەتىن ىدىسىن ءوزى الىپ كەلەدى. بالالارعا باسىندا نۇسقاۋلىق بەرىلدى, ءار بالا تالاپتاردى قاتاڭ ساقتاپ ۇيرەندى", - دەدى نۇر-سۇلتان قالاسىنىڭ تاۋارلار مەن قىزمەتتەر ساپاسىن مەن قاۋىپسىزدىگىن باقىلاۋ دەپارتامەنتىنىڭ باس مامانى لاۋرا اسانباەۆا.
