اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ دەپۋتاتتارى پارلامەنتتىك تىڭداۋ قارساڭىندا اۋىل شارۋاشىلىعى مينيسترلىگىنىڭ وكىلدەرىمەن كەزدەسكەن بولاتىن.
دەپۋتاتتار كەزدەسۋ بارىسىندا بيىلعى 8 ايدىڭ قورىتىندىسى بويىنشا اۋىل شارۋاشىلىعىنداعى جالپى ءونىم كولەمى 4,9 %-عا ارتىپ, 2,4 ترلن تەڭگەنى قۇراعانى تۋرالى حاباردار بولدى.
پارلامەنت دەپۋتاتتارى سونداي-اق سۋبسيديالاۋ باعدارلاماسىن دامىتۋ, اۋىل كاسىپكەرلەرى ءۇشىن سالىقتىق جەڭىلدىكتەر بويىنشا مۇمكىندىكتەردى كەڭەيتۋ قاجەتتىگىن اتاپ ءوتتى. "قازاگرو" حولدينگىنىڭ اقپاراتى بويىنشا, بيىلعى جىلدىڭ 9 ايىندا نەسيەلەندىرۋ مەن ليزينگتى قوسا العاندا, اگروونەركاسىپ كەشەنىن قارجىلاندىرۋ كولەمى 325,1 ملرد تەڭگەگە جەتتى.
كەزدەسۋ قورىتىندىسى بويىنشا پروبلەمالاردى شەشۋ جانە اگروونەركاسىپ كەشەنىن دامىتۋ جونىندەگى ۇسىنىستار ازىرلەنەدى جانە 2020 جىلعى 23 قازاندا پارلامەنتتىك تىڭداۋدا ايتىلاتىن بولدى.
