مەملەكەت باسشىسىنىڭ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا ونەركاسىپتىڭ الەۋەتىن تولىق پايدالانۋ قازاقستاننىڭ الدىندا تۇرعان اسا ماڭىزدى مىندەت ەكەنى اتاپ وتىلگەن بولاتىن.
«قازاقستاننىڭ حيميا سالاسى اۋىل شارۋاشىلىعىندا, قۇرىلىستا, مۇناي ونەركاسىبىندە, تاماق ءوندىرۋ سالاسىندا, فارماتسەۆتيكادا جانە ت.ب. سالالاردا كورىنىس تاۋىپ وتىر. ءتۇرلى تۇتىنۋ زاتتارىن جاساۋدا دا سالانىڭ ونىمدەرى كەڭىنەن قولدانىلادى. حيميا ونەركاسىبى ءوز كەزەگىندە وڭدەۋشى ونەركاسىپتىڭ وڭ قارقىنمەن ءوسىپ كەلە جاتقان سالاسىنىڭ ءبىرى بولىپ تابىلادى. قازىرگى زامانعى جاھاندىق جانە ىشكى ترەندتەر جاعدايىندا حيميا ونەركاسىبى بىرقاتار جۇيەلى پروبلەمالار مەن ونىڭ بۇدان بىلايعى تۇراقتى دامۋىنا اسەر ەتەتىن تەجەۋشى فاكتورلارعا تاپ بولدى», - دەدى ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى داۋرەن ادىلبەكوۆ.
دەپۋتات ءالىمجان قۇرتاەۆ حيميا ونەركاسىبى - بۇل ەكونوميكانىڭ ونىمدىلىگى جوعارى ءارى ينۆەستيتسيانىڭ قايتىمى تەز ماڭىزدى سەكتورى ەكەنىن اتاپ ءوتتى.
«قازاقستاننىڭ مۇناي-گاز كەشەنىنىڭ باسىم مىندەتى شيكىزات ساتۋ ەمەس, جۇمىس ىستەپ تۇرعان مۇناي وڭدەۋ زاۋىتتارىن قۇرىلىمدىق قايتا قۇرۋ جانە كومىرسۋتەگى شيكىزاتىن تەرەڭدەتە قايتا وڭدەۋدىڭ جوعارى ساپالى ونىمدەرىمەن الماستىرۋ ماقساتىندا مۇناي-حيميا كاسىپورىندارىن سالۋ بولۋى ءتيىس. قازاقستان ءۇشىن حيميا ونەركاسىبىنىڭ ستراتەگيالىق ماڭىزى بار. ىشكى نارىقتاعى حيميا ونىمدەرىنە دەگەن قاجەتتىلىك جىلىنا 3,5 ملرد. دوللاردى قۇراسا, جىل سايىن شامامەن 2,4 - 2,8 ملرد. دوللار تۇراتىن حيميالىق ءونىمدى يمپورتتايدى. قازاقستان بىرقاتار حيميالىق زاۋىتتار قۇرۋعا مىندەتتى», - دەدى سەناتور.
دەپۋتات مۇناي ءوندىرۋ كەزىندە كوپ مولشەردە ءتيىمدى وڭدەۋگە بولاتىن ىلەسپە گازدىڭ بوسقا جاعىلاتىنىن ەسكە سالدى. بىراق وتاندىق مۇناي-حيميا ىشكى نارىقتىڭ تەك 20%-ىن عانا قامتاماسىز ەتەدى.
ءالىمجان قۇرتاەۆتىڭ ايتۋىنشا, حيميا ونەركاسىبى سالاسىنداعى جەتىستىكتەر ماشينا جاساۋ, اۆتوموبيل جاساۋ, اەروعارىش ونەركاسىبى, ەنەرگەتيكا, ورمان شارۋاشىلىعى, جەڭىل ونەركاسىپ جانە اۋىل شارۋاشىلىعىنىڭ باسەكەگە قابىلەتتىلىگىن كورسەتەدى.
«قازاقستان شيكىزات بازاسى بويىنشا باسەكەلى ارتىقشىلىقتارعا يە بولا وتىرىپ, وتپەلى كەزەڭدە مينەرالدىق تىڭايتقىشتاردى ازىرلەۋ جانە مۇناي-گاز حيمياسى سەكتورىندا الەۋەتتى قۇرۋ ءۇشىن ءوز عىلىمي بازاسىن دامىتۋعا كوشۋ قاجەت. قازاقستان رەسپۋبليكاسىنىڭ 2020-2025 جىلدارعا ارنالعان ۇدەمەلى-يندۋستريالدى دامۋ باعدارلاماسى 2019 جىلى قابىلداندى. اتالعان باعدارلامادا وڭدەۋ ءوندىرىسىنىڭ بارلىق باعىتتارى قامتىلعان. دەگەنمەن, جۇمسالعان ينۆەستيتسيا جىلدام, ءارى بىرنەشە ەسەلەنىپ قايتاتىن, بيۋدجەتتىڭ كىرىس بولىگىن قوماقتى ەتىپ تولتىراتىن حيميا وندىرىسىنە ەرەكشە كوزقاراس كەرەك, سول ارقىلى بيۋدجەتتى ايتارلىقتاي تولىقتىرۋعا بولادى», - دەپ اتاپ ءوتتى ءالىمجان قۇرتاەۆ.
دوڭگەلەك ۇستەل بارىسىندا ايتىلعان بارلىق ماسەلەلەر, ۇسىنىستار مەن ەسكەرتۋلەر قارالىپ, زەردەلەنەدى جانە ۇكىمەتكە, ۋاكىلەتتى مەملەكەتتىك ورگاندارعا ۇسىنىمدار مەن دەپۋتاتتىق ساۋالدار تۇرىندە جىبەرىلەتىن بولادى.
وتىرىسقا مەملەكەتتىك ورگانداردىڭ, حيميا ونەركاسىبى كاسىپورىندارىنىڭ, «اتامەكەن» ۇلتتىق كاسىپكەرلەر پالاتاسىنىڭ وكىلدەرى جانە عالىمدار قاتىستى.
