جاس كاسىپكەر «سىباعا» باعدارلاماسى اياسىندا تومەنگى پايىزدىق مولشەرلەمەمەن نەسيە الىپ, 85 ميلليون تەڭگەگە 200 باس اسىل تۇقىمدى سيىردى رەسەيدەن اكەلگەن.
قازىرگى تاڭدا نۇرپەرزەنت سوۆەتوۆ باسقاراتىن «قايرات» شارۋا قوجالىعى اۋدان بويىنشا ءىرى فەرمەرلىك كاسىپورىنداردىڭ بىرىنەن سانالادى. شارۋاشىلىقتا حاكاسيادان ساتىپ اكەلىنگەن اسىل تۇقىمدى ءىرى قارادان باسقا قازاقتىڭ اقباس سيىرلارى دا وسىرىلەدى.
«قازىر مەملەكەت كاسىپ اشىپ, ەڭبەك ەتەمىن دەگەن جاستارعا بارىنشا قولداۋ كورسەتىپ وتىر. مىسالى, تومەن پايىزدىق مولشەرلەمەمەن نەسيەلەر بەرىلەدى. ياعني, ادال كاسىپپەن مال تابامىن دەگەنگە جاعدايدىڭ ءبارى جاسالعان», دەيدى جاس كاسىپكەر.
نۇرپەرزەنت سوۆەتوۆتىڭ ءسوزىنىڭ جانى بار. ونىڭ شارۋا قوجالىعى جىل سايىن مەملەكەتتەن 4 ملن تەڭگە مولشەرىندە سۋبسيديا الىپ تۇرادى. مۇنىڭ ءوزى مال باققان قاۋىم ءۇشىن اجەپتاۋىر قولداۋ.
بۇگىنگى كۇندە شارۋا قوجالىعىنىڭ باسشىسى كاسىبىن ءارى قاراي دوڭگەلەتىپ, شارۋاشىلىعىن كەڭ اۋقىمدا جۇرگىزۋدى ويلاستىرىپ ءجۇر. اتاپ ايتقاندا, ءسۇت ونىمدەرى كلاستەرىن دامىتۋ جوسپارىندا بار.
قازىرگى ۋاقىتتا «قايرات» شارۋا قوجالىعىندا التى ادام ەڭبەك ەتەدى. ولار تۇراقتى ەڭبەكاقىمەن عانا ەمەس, مال ازىعىمەن, قىستا جاعاتىن وتىنمەن جانە ەت ونىمدەرىمەن قامتاماسىز ەتىلگەن.
