ول مامليۋت اۋدانىنداعى لەدەنوۆو كولىنەن اققۋدى اتقان. اۋداندىق اڭشىلىق شارۋاشىلىعىنىڭ قورىقشىسى وزىنەن جاسىرىنباق بولعان «بمۆ» اۆتوكولىگىنەن سەزىكتەنىپ, ونى قۋىپ توقتاتقاندا جۇكسالعىشىنان اققۋدىڭ ءولى دەنەسى تابىلعان. «كولىك جۇرگىزۋشىسى مەن جولاۋشى ءمان-جايدى انىقتاۋ ءۇشىن پوليتسيا بولىمىنە جەتكىزىلدى. زاڭسىز اڭ اۋلاۋ فاكتىسى بويىنشا سوتقا دەيىنگى تەرگەپ-تەكسەرۋ باستالدى», - دەيدى مامليۋت اۋدانىنىڭ پب باستىعى, پوليتسيا پودپولكوۆنيگى سەرىك ءالجانوۆ.
جالپى, زاڭدار حالىق داستۇرلەرىن دە ەسكەرۋى كەرەك قوي, باسقا قۇستارداي ەمەس اققۋدى اتقانداردىڭ جازاسىن قاتتىراق قىلسا – مۇنداي وپاسىزدىق بولماس ەدى.
وسىعان دەيىن دە سولتۇستىك قازاقستان وبلىسىندا اققۋدى اتۋدىڭ ەكى فاكتىسى تىركەلگەن بولاتىن. ادال قۇس جاڭا كەلىپ جاتقان ناۋرىز ايىندا «روماشكا» ساياجاي قوعامىنىڭ ماڭىندا ەرىككەندەر ەكى اققۋدى اتقان.
