كوميسسيا وتىرىسىندا قىسقى كەزەڭگە دايىندىق, جىلىتۋ كەزەڭىندە ۋلى گازبەن ۋلانۋدىڭ الدىن الۋ ماسەلەلەرى, سونداي-اق قالانىڭ سۋ تاسقىنى قاۋپى بار ۋچاسكەلەرىنىڭ ماسەلەلەرى قارالدى.
جيىندا ءسوز العان شىمكەنت قالاسى تج دەپارتامەنتىنىڭ باستىعى نۇربولات دەربىسوۆ قىسقى كەزەڭگە دەپارتامەنتتىڭ ارنايى تەحنيكاسى دايىن ەكەندىگىن ايتتى.
سونداي-اق قالانىڭ سۋ قويمالارىنداعى سۋ باسۋ قاۋپى بار ۋچاسكەلەردى جويۋعا باعىتتالعان ءىس-شارالار تالقىلانىپ, الەۋمەتتىك وسال وتباسىلاردىڭ ۇيلەرىنە گاز دابىلقاققىشتارىن الۋ جانە ورناتۋ مۇمكىندىگىن قاراستىرۋ ۇسىنىلدى.
كوميسسيا وتىرىسىنىڭ قورىتىندىسى بويىنشا قالا اكىمى كوممۋنالدىق قىزمەت تەحنيكاسىنىڭ ازىرلىگىن تەكسەرۋ جونىندە ءتيىستى سالا باسشىلارىنا تاپسىرمالار جۇكتەدى.
