"قتج" ۇك" اق تەمىر جولدارعا كۇردەلى جوندەۋ جۇرگىزۋگە بايلانىستى جولاۋشىلار پويىزدارىنىڭ قوزعالىس كەستەسىندە وزگەرىستەر بولاتىنىن حابارلايدى. اعىمداعى جىلدىڭ ءساۋىر ايىنان باستاپ قوزعالىس قاۋىپسىزدىگىن جانە جولاۋشىلار مەن جۇك پويىزدارىنىڭ جىلدامدىعىن ارتتىرۋعا باعىتتالعان تەمىر جولداردى جاڭعىرتۋ باستالدى. جۇمىستار شتاتتىق رەجيمدە جۇرگىزىلۋدە. كوروناۆيرۋستىق ينفەكتسيامەن كۇرەس اياسىندا قابىلدانعان بارلىق قاۋىپسىزدىك شارالارى ەسكەرىلدى. "قتج" ۇك" اق كەلتىرىلگەن قولايسىزدىقتار ءۇشىن جولاۋشىلاردان كەشىرىم سۇرايدى جانە جۇمىستى تەزىرەك اياقتاۋ ءۇشىن بارلىق قاجەتتى شارالار قابىلداناتىنىن حابارلايدى", دەلىنگەن حابارلامادا.
"تەمىرجول كولىگى تۋرالى" قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنىڭ 80-بابىنىڭ 3-تارماعىنا سايكەس جولاۋشىلار پويىزىنىڭ كەشىگۋى ءۇشىن ايىپپۇل تولەۋ كوزدەلگەنىن ەسكە سالامىز (80-باپ). جولاۋشىنى, باگاجدى, جۇك-باگاجدى جەتكىزۋ مەرزىمدەرىن بۇزعانى ءۇشىن جاۋاپكەرشىلىك (3-ت.).
ەگەر جونەلتۋدى كىدىرتكەنى ءۇشىن, سونداي-اق جولاۋشىنى مەجەلى تەمىرجول ستانتسياسىنا تاسىمالدايتىن جولاۋشىلار پويىزىنىڭ كەشىگىپ قالعانى ءۇشىن تاسىمالداۋشى كىدىرتۋ نەمەسە كەشىگۋ ەڭسەرىلمەيتىن كۇشتىڭ سالدارىنان بولعانىن دالەلدەي الماسا, جولاۋشىعا زالالدى وتەۋدەن باسقا, ءاربىر كىدىرتۋ ساعاتى ءۇشىن جولاۋشىعا جول ءجۇرۋ قۇجاتى (بيلەتى) قۇنىنىڭ 3% مولشەرىندە ايىپپۇل تولەيدى.
ءوندىرىپ الىنعان ايىپپۇل سوماسى جول ءجۇرۋ قۇجاتىنىڭ (بيلەتىنىڭ) قۇنىنان اسپاۋى ءتيىس. جولاۋشىلار پويىزىنىڭ كەشىگۋى ءۇشىن ايىپپۇل تولەۋ تاسىمالداۋ ەرەجەلەرىنە سايكەس جولاۋشىنىڭ ءوتىنىشى بويىنشا جۇرگىزىلەدى.
وتەماقى الۋ ءۇشىن جولاۋشى ۆوكزال بويىنشا كەزەكشىدەن سوڭعى كەلۋ پۋنكتىندە جول ءجۇرۋ قۇجاتىندا (بيلەتتە) ۇستالعان ساعاتتاردىڭ سانى تۋرالى مىندەتتى بەلگى الۋعا ءتيىس. بۇدان ءارى جولاۋشى وسى قۇجاتپەن, سونداي-اق جەكە باسىن كۋالاندىراتىن قۇجاتپەن زاڭ بويىنشا ءتيىستى وتەماقى الۋ ءۇشىن قتج-نىڭ كەز كەلگەن كاسساسىنا جۇگىنە الادى.
