"بۇگىن پاتەر كەزەگىندە تۇرعان بىرقاتار ازامات پاتەر كىلتتەرىن الدى. كەزەكتە تۇرعان 900-دەن استام ادام (حالىقتىڭ الەۋمەتتىك ءالسىز توبىنا جاتاتىندار) مەن تۇرعىن ءۇي قۇرىلىس جيناق بانكى سالىمشىلارى پاتەر يەلەرى اتاندى. ولاردىڭ كەيبىرەۋلەرى قازىر قۇجاتتاردى رەسىمدەۋ ساتىسىندا. ءبىز ءۇشىن قولجەتىمدى الەۋمەتتىك تۇرعىن ءۇي سالۋ وتە ماڭىزدى. جىل سايىن مىڭداعان وتباسى ەلباسى بەكىتكەن "نۇرلى جەر" مەملەكەتتىك باعدارلاماسى بويىنشا پاتەر الادى. مەملەكەت باسشىسىنىڭ تاپسىرماسىنا سايكەس بيىل جەڭىلدەتىلگەن تۇرعىن ءۇي قۇرىلىسىنىڭ كولەمى ءۇش ەسەگە ارتتى", دەيدى شاھار باسشىسى.
ەلوردا اكىمىنىڭ جازۋىنشا, قولدانىسقا بەرىلگەن ءۇي ەسىل اۋدانىندا ورنالاسقان. اتالعان شاعىن اۋداننىڭ جاڭا ۇيلەرىنىڭ ءبىرىنشى قاباتتارىندا الەۋمەتتىك نىساندار اشامىز. بۇل وڭالتۋ ورتالىقتارى, بالاباقشالار, مەديتسينالىق كومەك كورسەتۋ پۋنكتتەرى, پوليتسيا پۋنكتى جانە ت.ب. تەك وسى تۇرعىن ءۇي كەشەنىندە عانا وسى ءۇشىن 4 مىڭ شارشى مەتر ءبولىندى.
پاتەرلەردى تاپسىرۋ بارىسىندا بىرقاتار ورتالىق اشىلدى. مىسالى, پسيحولوگيالىق-مەديتسينالىق-پەداگوگيكالىق كەڭەس بەرۋ ورتالىعى. مۇندا ماماندار ەستۋ, قارىم-قاتىناس جانە مىنەز-ق ۇلىق بۇزىلىستارى بار بالالارعا تەكسەرۋ جانە كومەك كورسەتۋمەن اينالىسادى. مۇنداي ورتالىق سونداي-اق بەلگىلى ءبىر بۇزۋشىلىقتاردى ەرتە كەزەڭدە انىقتاۋعا مۇمكىندىك بەرەدى, بۇل ءوز كەزەگىندە قاجەتتى مەديتسينالىق كومەكتى ۋاقتىلى كورسەتۋگە مۇمكىندىك بەرەدى.
سونىمەن قاتار, ۇلتتىق سپورت تۇرلەرىن دامىتۋ ورتالىعى – شاحمات ويناۋعا ارنالعان كابينەتتەر, توعىزقۇمالاق, اسىق ويىنى زالى, ارقا alan, قازاق كۇرەسىن جاتتىقتىرۋعا ارنالعان زال اشىلدى.
تۇلەكتەردى جۇمىسقا ورنالاستىرۋ ماڭىزدى. قوعامدىق تاماقتانۋ جانە سەرۆيس كوللەدجىنىڭ ستۋدەنتتەرى ءۇشىن وسى اۋداننىڭ جاڭا ۇيىندە قۇزىرەتتىلىك ورتالىعى اشىلدى. مۇندا ستۋدەنتتەر تەوريالىق داعدىلاردى تىكەلەي پراكتيكادا قولدانا الادى. ورتالىق ەڭبەك نارىعى ءۇشىن مامانداردى ءتورت قۇزىرەتتىلىك بويىنشا دايارلايدى: اسپازدىق/كونديتەرلىك ءىس, ناۋبايحانالىق شەبەرلىك, مەيرامحانالىق سەرۆيس.
"ەلوردادا قۇرىلىس سالاسى كوش باستاپ تۇر. جىل سايىن قالادا الەۋمەتتىك نىساندار, تۇرعىن ءۇي كەشەندەرى, قوعامدىق كەڭىستىكتەر پايدا بولادى. ينجەنەرلىك كوممۋنيكاتسيالاردى جۇرگىزەمىز, جولدار سالامىز. بۇل جۇمىستارعا كۇن سايىن مىڭداعان قۇرىلىسشىلار جۇمىلدىرىلىپ, جۇمىس ورىندارى قۇرىلدى. قالا تۇرعىندارىنىڭ ءومىر ءسۇرۋ جاعدايىن جاقسارتىپ, قالامىزدى وزگەرتكەنى ءۇشىن ولارعا العىس ايتامىن!", دەدى نۇر-سۇلتان قالاسىنىڭ اكىمى التاي كولگىنوۆ.
