اسكەري اۆياتسيا فاكۋلتەتىنىڭ ەكىنشى كۋرس ستۋدەنتتەرىنىڭ ۇشۋ تاجىريبەسى ءبىر جىل بۇرىن باستالدى. بۇعان دەيىن كۋرسانتتارعا ەكىنشى وقۋ جىلىنان كەيىن تىكۇشاقتى باسقارۋعا رۇقسات ەتىلسە, ەندى ولار ەكىنشى كۋرستىڭ باسىنان باستاپ ۇشۋدى ۇيرەنەدى. ينستيتۋتتىڭ قولباسشىلىعى مەن پروفەسسورلىق-وقىتۋشىلىق قۇرامىنىڭ پىكىرىنشە, بۇل ۇشۋ ساعاتتارى مەن بولاشاق ۇشقىشتاردىڭ تاجىريبەسىن ارتتىرۋعا ىقپال ەتەدى.
ۇشۋ تەوريادان باستالاتىنى بەلگىلى. ۇشقىش ورنىنا وتىرماس بۇرىن ءاربىر كۋرسانت اۆياتسيالىق تەحنيكانى, تىكۇشاقتى ۇشۋعا پايدالانۋ جونىندەگى نۇسقاۋدى جانە اۋەايلاق اۋدانىن بىلۋگە سىناقتار تاپسىرادى. بۇل تاپسىرمانى ءبىرىنشى بولىپ كۋرسانت جاسۇلان قۋانىشوۆ ورىندادى.
«اۋە قورعانىس كۇشتەرىنىڭ اسكەري ينستيتۋتىنا تۇسپەس بۇرىن, تىكۇشاقتى سونشالىقتى جاقىن كورمەدىم, بىراق اۋە كەڭىستىگى مەنى قىزىقتىراتىن. بالا كەزىمنەن ءوزىمدى ۇشاقتىڭ ۇشقىشى رەتىندە ەلەستەتتىم. مەكتەپتە فيزيكا ءپانىن وقىپ, تىكۇشاقتىڭ جۇمىس ىستەۋ پرينتسيپىنە قىزىعۋشىلىق تانىتا باستادىم. بۇل پروتسەسس مەنى قاتتى قىزىقتىردى, سوندىقتان اسكەري اۋە كۇشتەرى ينستيتۋتىنا ءتۇسىپ, اسكەري اۆياتسيا فاكۋلتەتىن تاڭدادىم», - دەدى ەكىنشى كۋرس ستۋدەنتى.
اۋە تەحنيكاسىن نۇسقاۋشى اسپانعا كوتەرەدى. كۋرسانتتار سول ء ساتتى ەستە ساقتاۋ كەرەك, ال تاجىريبەلى ۇشقىشتىڭ سەزىمتال باسشىلىعىمەن ەلەمەنتتەردىڭ ءبىرىن باسقارۋ قاجەت.
مي-8 تىكۇشاعى جەردەن بىرنەشە مەترگە كوتەرىلىپ, قاتىپ قالادى – مۇندا كۋرسانت بايبولسىن ساعىندىقوۆ ۇشۋ جاتتىعۋلارىن پىسىقتاۋدى ۇيرەنەدى. سىرتتان ەشتەڭە قيىن ەمەس سياقتى. بىراق ءىس جۇزىندە سالماعى جەتى تونناعا جۋىق تىكۇشاقتى دۇرىس قالىپتا ۇستاۋ وڭاي شارۋا ەمەس.
«بۇل مەنىڭ ومىرىمدەگى العاشقى ۇشۋىم. العاش رەت تىكۇشاققا جاقىنداپ, ونى اينالىپ ءوتىپ, ۇشۋ الدىنداعى تەكسەرۋدەن ءوتىپ, ۇشقىشتىڭ جۇمىس ورنىنا وتىردىم. ۇشۋ 15 مينۋتقا سوزىلدى, بۇل ۋاقىت مەن ءۇشىن قىزىقتى بولدى. كەۋدەمدى تولقىنىس سەزىمى كەرنەدى. كولىككە وتىرعاننان كەيىن ءوز ءومىرىمدى اۆياتسيامەن, اسپانمەن ماڭگى بايلانىستىراتىنىمدى ءتۇسىندىم», - دەپ كۋرسانت ءوز اسەرىمەن ءبولىستى.
كۋرسانتتارمەن وقۋ-جاتتىعۋ ۇشۋلارىن وقىتۋدا كوپ جىلدىق تاجىريبەسى بار ءۇشىنشى سىنىپتى ۇشقىش كاپيتان ۆلاديمير شالاي ورىندادى. ونىڭ ايتۋىنشا, العاشقى ۇشۋ تەك كۋرسانت ءۇشىن عانا ەمەس, نۇسقاۋشى ءۇشىن دە ماڭىزدى. كوڭىل-كۇي مەن ءىس-ارەكەتتەر ء بىرىنشى رەيس كۋرسانتتىڭ وزدىگىنەن ۇشا الاتىندىعىن انىقتايدى.
