ۇزدىك اۋىل اكىمدەرى انىقتالدى

مەملەكەتتىك قىزمەت ىستەرى اگەنتتىگىنىڭ باستاماسىمەن «رۋحاني جاڭعىرۋ» باعدارلاماسى اياسىندا «ۇزدىك اۋىل اكىمى» رەسپۋبليكالىق بايقاۋى اياقتالدى. ۇزدىك اۋىل اكىمى بولىپ الماتى وبلىسى, ىلە اۋدانىنىڭ بورالداي كەنتى اكىمى دانيار قوڭىرباەۆ انىقتالدى.

د.قوڭىرباەۆ داۋىس بەرۋ كەزىندە ەڭ كوپ ۇپاي جيناپ, 1-ورىنعا يە بولدى جانە ءوز ايماعىنىڭ الەۋمەتتىك-ەكونوميكالىق جاعدايىن جاقسارتۋ بويىنشا جوباسىن ءساتتى قورعاپ شىقتى.

2-ورىندى 2 اكىم يەلەندى. ولار: اقمولا وبلىسى, تسەلينوگراد اۋدانى, مانشۇك اۋىلدىق وكرۋگىنىڭ اكىمى عاني يساەۆ جانە اقتوبە وبلى­سى, مۇعالجدار اۋدانى, تالدىساي اۋىل­دىق وكرۋگىنىڭ اكىمى قازبەك اققايىر.

3-ورىندى دا 2 اكىم يەلەندى: پاۆ­لودار وبلىسى, اقتوعاي اۋدانى, جا­لاۋلى اۋىلدىق وكرىگىنىڭ اكىمى ازامات مەدەتوۆ جانە شىعىس قازاقستان وبلىسى, جارما اۋدانى, شالاباي اۋىلدىق وكرۋگىنىڭ اكىمى جانار ەسەمباەۆا.

سونداي-اق «ۇزدىك الەۋمەتتىك-ەكونو­ميكالىق جوبا» اتالىمى جام­بىل وبلىسى, رىسقۇلوۆ اۋدانى اباي اۋىلدىق وكرۋگىنىڭ اكىمى مۇراتبەك ارىستامبەكوۆكە, «حالىققا اشىق اكىم» اتالىمى قاراعاندى وبلىسى بۇقار جىراۋ اۋدانى تسەنترالنىي اۋىل­دىق وكرۋگىنىڭ اكىمى سامات مەير­­­مانوۆقا, «ۇزدىك ىسكەر-شارۋا اكىم» اتالىمى اتىراۋ وبلىسى يسا­تاي اۋدانى تۇششىقۇدىق اۋىلدىق وكرۋ­گى­نىڭ اكىمى ءمادي وتەعاليەۆكە تابىستالدى. 

رەسپۋبليكالىق كونكۋرستاردىڭ جەڭىمپازدارى مەن قاتىسۋشىلارى مەملەكەتتىك قىزمەت ىستەرى اگەنتتىگى توراعاسى انار جايلعانوۆانىڭ اتىنان گراموتالارمەن, ديپلومدارمەن جانە العىس حاتتارىمەن ماراپاتتالدى. كونكۋرستىڭ ماقساتى ەلدىڭ اۋىل­دىق ەلدى مەكەندەرىندەگى جەرگى­لىكتى ءوزىن-ءوزى باسقارۋدى دامىتۋ, جەر­گىلىكتى باستامالاردى, ونىڭ ىشىن­دە قوعامدىق ءوزىن-ءوزى باسقارۋ ۇيىم­دارىن ىنتالاندىرۋ, جۇمىستا جوعارى ناتيجەلەرگە قول جەتكىزگەن, اۋىلدىق ەلدى مەكەندەردى دامىتۋعا ەلەۋلى ۇلەس قوساتىن ۇزدىك اۋىل اكىم­دەرىن انىقتاۋ جانە كوتەرمەلەۋ بولىپ تابىلادى.

كونكۋرس ەكى كەزەڭنەن تۇردى. رەس­پۋب­ليكالىق بايقاۋدىڭ ءبىرىنشى كەزە­ڭى وبلىستىق دەڭگەيدە ءوتتى. ەلىمىزدىڭ 14 وڭىرىنەن كەلگەن ۇزدىك اكىمدەر رەسپۋبليكالىق بايقاۋعا جىبەرىلدى.

«2019 جىلى ەل پرەزيدەنتى قاسىم-جومارت توقاەۆ ءوزىنىڭ العاشقى جول­داۋ­ىندا «قۋاتتى ءوڭىر – قۋاتتى ەل» دەپ, وڭىرلەردەگى جەرگىلىكتى بيلىك جۇ­مى­سىن تيىمدىلىگىن باعالاۋ جۇيەسىن ەنگىزۋ كەرەك دەپ ايتقان بولاتىن. وسى­عان وراي مەملەكەتتىك قىزمەت ىستەرى اگەنتتىگىنە «ۇزدىك اۋىل اكى­مى» رەسپۋبليكالىق بايقاۋىن ۇيىم­داس­تىرۋ جانە وتكىزۋ جۇكتەلگەن ەدى. بيىل دا مەملەكەت باسشىسى قاسىم-جومارت توقاەۆ «جاڭا جاعدايداعى قازاقستان: ءىس-قيمىل كەزەڭى» اتتى جول­داۋىندا دا اۋىلدىق وكرۋگ اكىم­دەرىن تىكەلەي سايلاۋعا بولاتىنىن اتاپ كورسەتتى. الداعى ۋاقىتتا تاۋەلسىز قازاقستان جاعدايىندا بۇعان دەيىن بولماعان تاجىريبە – اۋىل اكىم­دەرىن تىكەلەي سايلاۋعا قوعام تارا­پىنان دا قىزىعۋشىلىق ارتىپ وتىر», دەدى مەملەكەتتىك قىزمەت ىستەرى اگەنت­تىگى توراعاسىنىڭ ورىنباسا­رى دارحان جازىقباەۆ اگەنتتىكتە وت­كەن رەسپۋبليكالىق كوميسسيا وتىرىسىندا.

كونكۋرستىڭ ءبىرىنشى كەزەڭىندە اگەنتتىكتىڭ اۋماقتىق دەپارتامەنتتەرى وبلىستاردىڭ اكىمدىكتەرىمەن كونكۋرس ادىستەمەسىنە سايكەس جۇمىس جۇرگىزدى. وبلىستىڭ ادەپ جونىندەگى ۋاكىلدەرىمەن بىرلەسىپ ارنايى ساۋالداما ازىرلەندى.

وسى باعىتتا تۇرعىنداردىڭ پىكىرى ەسكەرىلدى جانە ۇمىتكەرلەردىڭ مەم­لەكەتتىك قىزمەتشىلەردىڭ ەتيكاسىن ساقتاۋى بويىنشا قورىتىندى بە­رىلدى. بۇدان باسقا اكىمدەردىڭ حا­لىقپەن ءتيىمدى جانە كەرى بايلا­نىستى جولعا قويۋ جونىندەگى قىز­مەتى باعالاندى, وسى باعىتتا قول جەتكىزىلگەن ناتيجەلەر زەردەلەندى.

مەملەكەت باسشىسى ق.توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ, ياعني حالىقپەن كەرى بايلانىس ورناتۋ جانە ماسەلەلەردى ۋاقتىلى شەشۋ ماقساتىندا اۋىل تۇرعىندارى ءۇشىن «اشىق اكىمدىك», «اشىق ديالوگ» فورماتتارىندا توقسان سايىنعى كەزدەسۋلەر وتكىزۋ تاجىريبەسى ەنگىزىلەدى.

اۋىل تۇرعىندارىنا مەملەكەتتىك قىزمەتتەردىڭ قولجەتىمدىلىگىن قامتا­ماسىز ەتۋ ماقساتىندا, اۋىل اكىم­دىك­تەرىنىڭ كوپتەگەن عيماراتتارىندا وزىنە-ءوزى قىزمەت كورسەتۋ بۇرىشتارى اشىلعان.

اۋىل اكىمىنىڭ تۇرعىندارمەن اشىق قارىم-قاتىناسى جانە وزەكتى ماسە­لەلەر بويىنشا ۋاقتىلى شەشىم قابىلداۋ ناتيجەسىندە حالىق­تىڭ الەۋمەتتىك ماسەلەلەرى شەشىلەدى.

پرەزيدەنت ءوزىنىڭ 2019 جىلعى قازاقستان حالقىنا جولداۋىندا جەرگى­لىكتى بيلىكتىڭ تۇرعىندارعا قولجە­تىمدى بولۋىن اتاپ وتكەن بولاتىن. سونداي-اق «حالىق ۇنىنە قۇ­لاق اساتىن مەملەكەت» تۇجىرىم­دا­ماسى اياسىندا باعالاۋ راسىمدەرىنىڭ مىن­دەتتى تالاپتارىنىڭ ءبىرى وبلىس اكىم­دىكتەرىنىڭ سايتىندا ورنالاس­تى­رىلعان 16 كريتەري بويىنشا ون­لاين-داۋىس بەرۋ تۇرىندە وتكەن اكىم­دەردىڭ جۇمىسىنا حالىقتىڭ قانا­عات­تانۋىن ولشەۋ بولىپ تابىلادى.

ۇمىتكەرلەر اۋىلدىق وكرۋگتى دا­مى­تۋعا, اۋىلدىق جەرلەردىڭ الەۋ­مەتتىك-ەكونوميكالىق پروبلەمالارىن شەشۋگە باعىتتالعان جوبالىق جۇ­مىس, سونداي-اق «مەن نەگە «ۇزدىك اۋىل اكىمى» اتاعىنا لايىقپىن؟» تاقى­رىبىندا ەسسە دايىندادى.

ەڭ جوعارى بالل جيناعان كان­ديدات­پەن رەسپۋبليكالىق كوميس­سيا جەكە ونلاين اڭگىمەلەسۋ وتكىزدى. ونىڭ قۇرامىنا پرەزيدەنت اكىمشى­لىگىنىڭ, مەملەكەتتىك قىزمەت ىستەرى اگەنت­تىگىنىڭ جانە اۋىل شارۋاشىلىعى مي­نيسترلىگىنىڭ قىزمەتكەرلەرى, پارلامەنت دەپۋتاتتارى, قوعام­دىق ۇيىمدارى مەن باق وكىلدەرى كىردى.

كوميسسيا مۇشەلەرى ولاردىڭ ەسسە­لەرىن, جازۋداعى كرەاتيۆتى تاسىلدەرىن وڭ باعالادى, سونداي-اق جەڭىم­پاز­داردىڭ جوبالىق جۇمىستارى باسقا قا­تىسۋشىلاردىڭ جۇمىستارىمەن سالىستىرعاندا ۇزدىك شىقتى.