كابارديندەر قول ۇشىن سوزادى

پرەزيدەنت پوشتاسىنان مەملەكەت باسشىسىنىڭ اتىنا كاباردين-بالكار رەسپۋبليكاسى (رەسەي فەدەراتسياسى) ەلبرۋس اۋدانىنىڭ تۇرعىنى ۋزەير قۇربانوۆتان جەدەلحات كەلىپ ءتۇستى. جەدەلحاتتا ادام ءولىمى مەن ءۇي-جايلاردىڭ قيراپ-ب ۇلىنۋىنە اكەلىپ سوققان الماتى وبلىسىنىڭ اقسۋ اۋدانىنداعى قىزىلاعاش سۋ قويماسىندا بولعان اپات تۋرالى حاباردى بالكارلار قايعىرا وتىرىپ ەستىدى, دەپ اتاپ وتىلگەن. كاباردين-بالكار تۇرعىندارى شىعىس قازاقستانداعى وقيعالارعا دا ۇلكەن قوبالجۋمەن قۇلاق تۇرۋدە. ءبىز سىزدەرمەن بىرگە 2000 جىلى تىرنىاۋز قالاسىندا بولعان قايعىنى دا باستان وتكەردىك, ­– دەپ جازادى ۋ.قۇربانوۆ, – سوندىقتان مۇنداي تابيعات اپاتىنىڭ اۋىر سالدارلارى قانداي بولاتىنىن جاقسى بىلەمىز. ء“وز حالقىمنىڭ جانە جەكە ءوز اتىمنان تابيعات اپاتى سال­دا­رى­نان قايتىس بولعانداردىڭ, سون­داي-اق زارداپ شەككەندەردىڭ تۋ­عان-تۋىستارىنا قايعىرىپ كوڭىل ايتامىن. بۇدان بىرنەشە جىل بۇرىنعى رەپرەسسيا جىلدارىندا قازاقستان حالقى بىزگە كومەك­تەس­تى. ءبىز قازاق حالقىنىڭ كەڭ پەيى­لى مەن قوناقجايلىلىعىن ءار­دايىم ەستە ساقتاپ كەلەمىز, بۇل – ءبىز ءۇشىن تەڭدەسى جوق قۇن­دى­لىق. قازاقستاننىڭ كۇيزەلىسى – ءبىزدىڭ كۇيزەلىسىمىز. زارداپ شەك­كەن­دەرگە كومەك ءۇشىن ءبىزدىڭ تارا­پىمىزدان قازاقستان حالقى اسسام­بلەياسى قورىنا 200 مىڭ رۋبل اۋدارىلدى”, – دەلىنگەن جەدەلحاتتا.