دەپارتامەنتتىڭ حابارلاۋىنشا, بىرقاتار باق-تا سۋمەن جابدىقتاۋ تاريفتەرى 300%-عا وسەتىنى تۋرالى اقپارات تاراعان.
"قر ۇەم تابيعي مونوپوليالاردى رەتتەۋ كوميتەتىنىڭ نۇر-سۇلتان قالاسى بويىنشا دەپارتامەنتى 2020 جىلدىڭ 25 ماۋسىمىندا "استانا سۋ ارناسى" شجق مكك-عا ءوتىنىم بەرگەن. ناقتىراق ايتقاندا 2021-2025 جىلدارعا ارنالعان سۋمەن جابدىقتاۋ جانە سۋ بۇرۋ بويىنشا رەتتەلىپ كورسەتىلەتىن قىزمەتتەرگە تاريفتەر مەن تاريفتىك سمەتانىڭ شەكتى دەڭگەيلەرىن بەكىتۋگە ءوتىنىم جولدانعان", دەيدى دەپارتامەنت وكىلدەرى.
6 قازاندا دەپارتامەنت "استانا سۋ ارناسى" شجق مكك ءوتىنىمى بويىنشا اشىق جينالىس نىسانىنداعى تاريف جوباسىن تالقىلاۋ بويىنشا جاريا تىڭداۋ وتكىزگەن. وعان ءماسليحات دەپۋتاتتارى, قوعامدىق بىرلەستىكتەردىڭ وكىلدەرى مەن تاۋەلسىز ساراپشىلار قاتىسقان.
جيىندا "استانا سۋ ارناسى" كاسىپورنىنىڭ وكىلدەرى سۋمەن جابدىقتاۋ بويىنشا ءتاريفتى 44%-عا, سۋ بۇرۋ بويىنشا ءتاريفتى 137%-عا كوتەرۋ تۋرالى كاسىپورىننىڭ تاريفتىك جوباسىن تانىستىرعان.
"بۇل رەتتە ۇسىنىلعان ءوتىنىم – تاريف جوباسى ەكەنىن اتاپ ءوتۋ قاجەت. دەپارتامەنت كاسىپورىن مالىمدەگەن شىعىنداردىڭ بارلىق باپتارىنىڭ نەگىزدىلىگىنە جانە تابيعي مونوپوليالار تۋرالى زاڭناما تالاپتارىنا سايكەستىگىنە ەگجەي-تەگجەيلى تالداۋ جۇرگىزەدى. وسىعان بايلانىستى ءتاريفتىڭ كوتەرىلەتىنى تۋرالى ناقتى مالىمەت شىنايى اقپاراتقا جاناسپايدى", دەلىنگەن حابارلامادا.
